جالپى اۋدانى 85 گەكتار جەردە ورنالاساتىن ەرەكشە كەشەننىڭ قۇرىلىسى ءۇش كەزەڭ بويىنشا جۇزەگە اسادى. مۇنداعى جاساندى كولدىڭ سىيىمدىلىعى – 2،5 ملن. م3. كول سۋى «كەڭساي-قوسقورعان-2» سۋ رەتتەگىشىنەن جينالادى. جاڭا دەمالىس ايماعى وڭىرگە تۋريستەر مەن ينۆەستيسيالاردى تارتاتىن تاعى ءبىر ورتالىققا اينالماق.
وبلىس اكىمى ءومىرزاق شوكەيەۆ ورتالىق قۇرىلىسىنىڭ بارىسىمەن تانىستى. ءقازىر مۇندا قازۋ جۇمىستارى جۇرگىزىلىپ، دامبالار تۇرعىزىلعان. سۋ كەلەتىن جالپى ۇزىندىعى 550 م كانالدىڭ جەر جۇمىستارى، بەتون قۇيۋ جۇمىستارى اياقتالعان.
جاعالاۋ تولىق بەكىتىلىپ، توپىراعى نىعىزدالعان. قۇرىلىسقا 15 تەحنيكا مەن 70 جۇمىسشى جۇمىلدىرىلعان. نىسان قۇرىلىسىنىڭ العاقشى كەزەڭىن قازان ايىندا اياقتاۋ جوسپارلانۋدا. بىرەگەي دەمالىس كەشەنى كەلەر جىلى اشىلادى.
«تۇركىستان» تۋريستىك-رەكرەاسيالىق ورتالىعىندا سۋ سپورتى تۇرلەرىمەن اينالىسۋعا ارنالعان ارنايى ورىندار پايدا بولادى. جاساندى كولدىڭ جاعالاۋىندا ەمدىك قاسيەتى كوپ شاعىل قۇممەن قىزدىرىنۋعا جاعداي جاسالادى. جاعاجايعا ارنالعان اعاشتار وتىرعىزىلىپ، بالالار دەمالىس اۋماعى سالىنادى. ەليتالىق كوتتەدجدەر مەن قوناقۇيلەر بوي كوتەرىپ، دەمالىس اۋماعىندا ساياباقتار مەن گۇلزارلار سالىنادى. اينالا اباتتاندىرىلىپ، كوگالداندىرىلادى.
