Premer-Ministr Oljas Bektenov Aqmola oblysyna jumys sapary aiasynda Prezidenttiń elektrmen jabdyqtaý jáne jylý kommýnikatsiia jelilerin jańǵyrtý jáne olardyń tozý deńgeiin tómendetý jónindegi tapsyrmalarynyń oryndalýyn, sondai-aq kommýnaldyq infraqurylym nysandarynyń jylý berý maýsymyna daiyndyq barysyn tekserdi, - dep habarlaidy Dalanews.kz.
Úkimet basshysy Stepnogorsk JEO-nyń búgingi jaǵdaiymen tanysty. 1966 jyly paidalanýǵa berilgen nysan búginde qalanyń turǵyn úi sektory men kásiporyndaryn, sondai-aq Zavodskoi kentin jylý jáne elektr energiiasymen qamtamasyz etedi.
Premer-Ministrge Aqmola oblysynyń kommýnaldyq infraqurylymynyń jylytý kezeńine daiyndyǵy týraly baiandaldy. Búgingi tańda qazandyqtardyń daiyndyǵy 99%-dy quraidy, bilim berý nysandary, meditsinalyq mekemeler, turǵyn úiler tekserildi. Barlyq áleýmettik infraqurylym jylytý maýsymyna tolyǵymen daiyn. JEO-da kúzgi-qysqy maýsymǵa qajetti otyn qoryn daiyndaý kestege sáikes júrgizilip jatyr.
Biyl Stepnogorsk qalasynyń jylý jelilerin jóndeýge Úkimet rezervinen 2,7 mlrd teńge bólindi. Uzyndyǵy 11,3 shaqyrym ýchaskede qurylys-montaj jumystary aiaqtaldy. Sonymen qatar Stepnogorsk energetika kesheniniń menshik iesi infraqurylym men kommýnikatsiia nysandaryn jańǵyrtýǵa 7,9 mlrd teńge bóldi. 4 týrbinany jóndeý jumystary aiaqtaldy, qazandyqtardy rekonstrýktsiialaý jalǵasýda, josparlanǵan 2,6 km jylý jelileriniń 1,6 shaqyrymyna montajdaý jumystary júrgizildi.
Júrgizilip jatqan jumystar JEO jabdyqtarynyń tozýyn 65,6%-dan 61,9%-ǵa deiin, magistraldy jelilerdiń tozýyn qazirgi 80,7%-dan 70%-ǵa deiin tómendetýge múmkindik beredi. Alaida, áli de birqatar túitkildi máseleler bar, dep atap ótti energetika ministri Almasadam Sátqaliev.
«Energiia kózderin jańartýǵa qarajat salý men qolǵa alynǵan sharalar tozýdy birtindep azaitady. Degenmen, tutyný kóleminiń artýyn eskerek, irkilis bolý qaýpi áli de bar. Turaqty sapaly energiiamen jáne jylýmen qamtamasyz etý úshin balamaly kózder qurý qajet. Halyq qajettiligin óteý jáne jańa kásiporyndardy iske qosýdy qamtamasyz etý maqsatynda atom energetikasyn damytý tiimdi sheshim bolmaq», - dep baiandady Almasadam Sátqaliev.
Qazaqstanda jumys istep turǵan stansalardyń tozý deńgeii joǵary – 70%-ǵa deiin jetedi. Elimizde elektr energiiasyn tutyný jyl saiyn 3%-ǵa ósýde. Energetika ministrliginiń boljamyna sáikes, 2035 jylǵa qarai Qazaqstanda elektr energiiasyn tutyný saǵatyna 152,4 mlrd kVt jetedi dep kútilýde. Bul rette, qoldanystaǵy elektr stansalary saǵatyna tek 135 mlrd kVt qamtamasyz ete alady.
Premer-Ministr infraqurylymdy aitarlyqtai jańǵyrtý qajettigin atap ótti.
«Prezident óz Joldaýynda turǵyn úi-kommýnaldyq sharýashylyq júiesin jańǵyrtý boiynsha jeke joba ázirleýdi tapsyrǵanyn bilesizder. Bul – 2029-2030 jyldarǵa deiin jalǵasatyn aýqymdy baǵdarlama. Munda mańyzdy jumys atqarylýy tiis. Tarif, tabiǵi monopoliialar sýbektileriniń qarajaty, biýdjet, qaryz qarajaty esebinen shamamen 10 trln teńge qarjy talap etiledi. Jumystar keshendi túrde júrgiziletin bolady. Biz elimizde TKSh júiesiniń qandai kúrdeli jaǵdaida turǵanyn túsinemiz. Menshik ieleri de, jergilikti bilik te, Úkimet te bul iske asa jaýapkershilikpen qaraýy qajet. Úkimettiń basty mindeti – turǵyndarǵa qolaily jaǵdai jasaý. Bizde jalpy el boiynsha elektr energiiasyn tutyný shamamen 17 GVt quraidy, al biz tek 16 GVt óndiremiz. Iaǵni, biz energiia tapshylyǵy bar elmiz, kórshiles elderden elektr energiiasyn satyp alýǵa májbúrmiz. Tozyǵy jetken jelilerdi qalpyna keltirip qana qoimai, turaqty energetika júiesin qurýymyz kerek», - dep atap ótti Oljas Bektenov.
Halyq 6 qazanda ótetin referendýmda qoldaý bildirse, qaýipsizdik deńgeii joǵary atom elektr stansasy salynyp, elimizdegi energiia tapshylyǵy máselesi sheshiledi ári energetikalyq qaýipsizdikti qamtamasyz etetin bolady.
