Abai oblysyndaǵy "BILIM-INNOVATsIIa" litsei oqýshylary Erasyl Jumabai, NuraliSúleimenov jáne Aldiiar Diýsenbek "BILi’m INNOVATION" dep atalatyn tálimgerlik jobasyn jasap shyǵardy. Bul joba oqýshylardyń pándik olimpiadalar men túrli ǵylymi jobalarǵa daiyndyǵyn tereńdete otyryp, olardy sabaqtan tys belsendilikke yntalandyrady, dep habarlaidy Dalanews.kz.
Jobany oilap tabýdaǵy oqýshylardyń basty maqsaty – bilim sapasyn arttyryp, mektepti jyldyń úzdik 15 mektebiniń qataryna qosý, joǵary jáne kishi synyp oqýshylary arasyndaǵy yntymaqtastyqty nyǵaitý, sondai-aq 2024-2025 oqý jylynda kem degende 20 respýblikalyq olimpiada jeńimpazyn tárbieleý.
Bul jobanyń ereksheligi – 11-synyp oqýshylary 7-9 synyp oqýshylaryna tálimger bolyp, olardy olimpiadalar men ǵylymi jumystarǵa daiyndaidy. Tálimgerlerdiń ózderi – respýblikalyq jáne halyqaralyq olimpiada jeńimpazdary, sondyqtan olardyń tájiribesi jas oqýshylar úshin úlken múmkindik.
Tálimger oqýshylardyń aitýynsha, "BILi’m INNOVATION" jobasy joǵary synyp oqýshylarynyń kishi synyp oqýshylaryn olimpiadalarǵa, sonyń ishinde halyqaralyq olimpiadalarǵa daiyndaýymen erekshelenedi. Jyl saiyn 40 oqýshyǵa teoriialyq jáne praktikalyq sabaqtar ótkizip, aptasyna 3 ret daiyndaidy.
Jobanyń qurylymy birneshe kezeńnen turady: oqýshy óz baǵytyn anyqtap, tálimgermen birge jyldyq jospar qurady, keiin tamyz aiynda ótetin arnaiy kamp aiasynda daiyndyq júrgiziledi. Sonymen qatar oqýshy óz betimen izdenýge, "self-study"!ádisin damytýǵa erekshe kóńil bóledi.
Bul joba tek oqýshylarǵa ǵana emes, tálimgerlerge de paidaly. Oqýshylar pándik bilimderin tereńdetip, jańa qabiletterin damyta otyryp, ýaqyttaryn tiimdi paidalanady. Al tálimgerler ózge oqýshylardy úiretý arqyly óz kásibi daǵdylaryn jetildiredi, kommýnikatsiia jáne analitikalyq oilaý qabiletterin shyńdaidy. Joba urany: "Ózi úirený – ár adamnyń isi, ózgege úiretý – er adamnyń isi".
Aita keteiik, oqýshylar osy jobamen "El Umiti" premiiasyna qatysyp, 2 mln teńge bilim grantyn utyp aldy.
