Áleýmettik jelide Májilistiń burynǵy depýtaty ári Atyraý oblysy ákiminiń eks-orynbasary Baqytgúl Hamenovanyń resmi is-sharaǵa qurmetti qonaq retinde qatysqan sáti túsirilgen beinejazba tarady. Bul jaitqa bailanysty Atyraý oblystyq soty resmi túsinikteme berdi, dep habarlaidy Dalanews.kz.
Vedomstvonyń habarlaýynsha, Baqytgúl Hamenova jazany óteýden tolyq bosatylmaǵan, tek jazany óteý merzimi úsh jylǵa keiin shegerilgen. Sot ókilderi Hamenovaǵa berilgen zańdy jeńildik jazany tolyq ótep bolǵanyn bildirmeitinin atap ótti.
Aita keteiik, buǵan deiin burynǵy sheneýniktiń toida aldyńǵy qatarda, memlekettik qyzmetkerler men politsiia ókilderiniń ortasynda turǵan beinejazbasy taraǵan edi.
Burynǵy sheneýnikke qatysty sot sheshimi óz kúshinde, tek jazany óteý merzimi ǵana keiinge shegerilgen. Sot ókilderi Hamenovaǵa berilgen zańdy jeńildik jazany tolyq ótep bolǵanyn bildirmeitinin atap ótti.
Eske salaiyq, Baqytgúl Hamenova 4,5 million teńge kóleminde para alǵany úshin 7 jylǵa bas bostandyǵynan aiyrylǵan bolatyn. Para Abai eskertkishin ornatý kezinde alynǵan. Sot sheshimimen ol memlekettik qyzmette jumys isteý quqyǵynan aiyrylyp, múlki tárkilenýge tiis edi.
2022 jyly 15 qarashada Atyraý qalasynyń №2 soty Atyraý oblysy ákiminiń burynǵy orynbasary Baqytgúl Hamenovany 7 jylǵa bostandyǵynan aiyrý, alaida kámeletke tolmaǵan balalary baryn eskere otyryp, jazany úsh jyldan keiin óteý jóninde úkim shyǵardy.
Sot úkiminde Baqytgúl Hamenovanyń múlki tárkilenetini, "Qurmet" ordeni men memlekettik laýazymdy atqarý quqyǵynan ómir boiyna aiyrylǵany kórsetilgen.
Sot zalynan ýaqytsha bostandyqqa shyqqan soń Baqytgúl Hamenova "sot úkimimen kelispeitinin, apelliatsiialyq shaǵym túsiretinin" málimdedi.
Baqytgúl Hamenova isimen birge qaralyp jatqan Atyraý oblystyq mádeniet basqarmasynyń burynǵy jetekshisi Aqylbek Rysqalievti sýdia Jumaǵali Táshimov 7 jylǵa, "Balqytý" JShS direktory Ómirtai Adamovty 4 jylǵa bostandyǵynan aiyrdy.
