Almatyda azyq-túlik baǵasyn turaqtandyrý jóninde iri saýda jelilerimen memorandýmǵa qol qoiyldy, dep habarlaidy Dalanews.kz.
Áleýmettik mańyzy bar azyq-túlik taýarlaryna baǵanyń negizsiz ósýine jol bermeý jáne belgilengen saýda ústemesin saqtaý maqsatynda Almaty qalasy ákimdigi Magnum, Small jáne Toimart iri saýda jelilerimen baǵany turaqtandyrý jóninde memorandýmǵa qol qoidy.
Qujat aiasynda saýda jelileri biylǵy jyldyń sońyna deiin áleýmettik mańyzy bar azyq-túlik taýarlaryna saýda ústemesin 15%-dan asyrmai, baǵany turaqty deńgeide ustap turýǵa daiyn ekenin rastady.
Memorandýmǵa qol qoiýdyń basty maqsaty – baǵa turaqtylyǵyn qamtamasyz etý, turǵyndardy qoldaý jáne birinshi qajettiliktegi ónimderdiń alypsatarlyq jolmen qymbattaýyna jol bermeý.
Almaty qalasynyń Kásipkerlik jáne investitsiialar basqarmasy óńirlik jetkizilimderdi damytý jáne otandyq óndirýshilerdi qoldaý baǵytynda júieli jumys júrgizip keledi. Bul sharalar taýarlyq qor qalyptastyrýǵa jáne qala naryǵyn azyq-túlik ónimderimen úzdiksiz qamtamasyz etýge múmkindik beredi.
Baǵany turaqtandyrý maqsatynda otandyq óndirýshilerdiń ónimderin tikelei jetkizý uiymdastyrylǵan. Qazir olardyń ónimderi iri saýda jelileriniń sórelerine qoiylǵan:
– «Alataý-Kýs» AQ, «Otan Grin Fýd» JShS jáne «Naýryz Agro» JShS óndiretin qus eti;
– «Sary-Bulaq» JShS-niń I sanattaǵy jumyrtqasy;
– «Asyl Dán» JShS-niń kúrishi;
– «KaistInvest» JShS-niń qanty.
