Pavlodar oblysy Aqqýly aýdanynyń prokýratýrasymen qabyldaǵan sharalardyń nátijesinde 9 eldi mekenniń turǵyndaryna kadastrlyq quny 2,7 mlrd teńgelik jaiylymdyq jerler qaitaryldy, dep habarlaidy Dalanews.kz.
Memleket basshysy óziniń kezekti joldaýynda paidalanylmai jatqan jerlerdi memleket menshigine qaitaryp, olardy tek jerdiń qundylyǵyn túsinetin azamattarǵa ǵana berý qajettigi jaiyndataǵy bir márte atap ótti.
Bas prokýratýranyń tapsyrmasy aiasynda aýyl sharýashylyǵy maqsatyndaǵy jerlerdi berý jáne paidalaný kezinde jer zańnamasynyń saqtalýyn qamtamasyz etý boiynsha jumystar jalǵasýda.
Azamattardan jaiylym men shabyndyq jerlerdiń jetispeýshiligine qatysty kóptegen ótinishterdiń kelip túsýine bailanysty keshendi taldaý júrgizildi. Nátijesinde zań talaptaryn buza otyryp berilgen, sondai-aq, paidalanylmai jatqan nemese zańsyz paidalanylyp jatqan 70 myń gektardan astam jer telimderi anyqtaldy.
Mysaly, bir ǵana jaýapkershiligi shekteýli seriktestik tórt jyl boiy 11,5 myń gektar jaiylymdy paidalanbaǵan. Qazirgi ýaqytta Pavlodar oblysynyń Jer resýrstary nbasqarý departamentimen bul jerlerdi memleket menshigine qaitarý jumystary júrgizilýde.
Sonymen qatar, prokýratýra aktisi boiynsha buryn jeke paidalanýǵa berilgen quny 2,7 mlrd teńgeden asatyn 3 myń gektardan astam eldi meken jerleri memleketke qaitaryldy.
Túsindirý jumystary júrgizilgennen keiin taǵy da jerlerdiń úshten biri tikelei maqsaty boiynsha paidalanyla bastady.
