Atyraý oblysynda múgedek áieldiń betine sirke sýyn shashqan qaraqshy izdestirilip jatyr, dep habarlaidy Dalanews.kz.
Jylyoi aýdanyna qarasty Qosshaǵyl aýylynda qaraqshylyq shabýyl boldy. Belgisiz áiel II toptaǵy múgedek, jasy egde jergilikti turǵynnyń úiine basa-kóktep kirip, onyń betine sirke sýyn shashqan.
Saldarynan jábirlenýshi kózinen kúiik alyp, ishinara kórý qabiletin joǵaltqan. Shabýyldan keiin qaskúnem úidegi altyn áshekeilerdi urlap, oqiǵa ornynan qashyp ketken.
Zardap shekken áielge meditsinalyq kómek kórsetilgenimen, keiin ony úiine qaitarǵan. Al onyń qyzynyń aitýynsha, anasynyń jaǵdaiy aýyr kúiinde qalyp otyr.
"Anamnyń kózderi kúiip qalǵan. Ózin nashar sezinýde, biraq dárigerler ony úige jiberdi", – dedi ol.
Qazir politsiia oqiǵa boiynsha tergeý júrgizip, kúdiktini izdestirýde.
