Almatydaǵy Boraldaı zıratynda belgisiz adamdar qabirlerden alynǵan temir qorshaýlardy kólikke tıep jatqan sát vıdeoǵa túsip qaldy, dep habarlaıdy Dalanews.kz.
Almatydaǵy Boraldaı zıratynda Túrkistan oblysynan kelgen belgisiz adamdar qabirlerden alynǵan temir tuǵyrlar men qorshaýlardy kólikke tıep jatqan. Bul jaıtty zıratqa kelgen áıel baıqap, sýretke jáne vıdeoǵa túsirip alǵan.
Onyń aıtýynsha, jumysshylar bolyp kóringen adamdar ne istep jatqandaryn túsindirip bere almaǵan jáne kúmándi bir qujat kórsetken.
Polısıanyń túsindirmesi
Atalǵan oqıǵa boıynsha Alataý aýdandyq polısıa basqarmasy tekseris júrgizdi. Tekserý nátıjesinde alynǵan temir qurylymdardyń naqty ıesi joq ekeni anyqtalǵan. Olar ıesiz múlik retinde tanylyp, metal synyǵy men qoqys retinde shyǵarýǵa jatatyny belgili boldy.
Polısıanyń málimetinshe, jumystar zırat ákimshiliginiń kelisimimen júrgizilgen. Quqyq buzýshylyq belgileri anyqtalmaǵan.
