الماتىداعى بورالداي زيراتىندا بەلگىسىز ادامدار قابىرلەردەن الىنعان تەمىر قورشاۋلاردى كولىككە تيەپ جاتقان ءسات ۆيدەوعا ءتۇسىپ قالدى، دەپ حابارلايدى Dalanews.kz.
الماتىداعى بورالداي زيراتىندا تۇركىستان وبلىسىنان كەلگەن بەلگىسىز ادامدار قابىرلەردەن الىنعان تەمىر تۇعىرلار مەن قورشاۋلاردى كولىككە تيەپ جاتقان. بۇل جايتتى زيراتقا كەلگەن ايەل بايقاپ، سۋرەتكە جانە ۆيدەوعا ءتۇسىرىپ العان.
ونىڭ ايتۋىنشا، جۇمىسشىلار بولىپ كورىنگەن ادامدار نە ىستەپ جاتقاندارىن ءتۇسىندىرىپ بەرە الماعان جانە كۇماندى ءبىر قۇجات كورسەتكەن.
پوليسيانىڭ تۇسىندىرمەسى
اتالعان وقيعا بويىنشا الاتاۋ اۋداندىق پوليسيا باسقارماسى تەكسەرىس جۇرگىزدى. تەكسەرۋ ناتيجەسىندە الىنعان تەمىر قۇرىلىمداردىڭ ناقتى يەسى جوق ەكەنى انىقتالعان. ولار يەسىز مۇلىك رەتىندە تانىلىپ، مەتالل سىنىعى مەن قوقىس رەتىندە شىعارۋعا جاتاتىنى بەلگىلى بولدى.
پوليسيانىڭ مالىمەتىنشە، جۇمىستار زيرات اكىمشىلىگىنىڭ كەلىسىمىمەن جۇرگىزىلگەن. قۇقىق بۇزۋشىلىق بەلگىلەرى انىقتالماعان.
