Astanada joldardyń buzylýyn boldyrmaýǵa arnalǵan avtokólikti ólsheýdiń avtomattandyrylǵan júiesi resmi túrde iske qosyldy, - dep habarlaidy Dalanews.kz.
Bul júie júk kólikteriniń salmaǵyn baqylaýǵa, ózge de kólikterdiń kedergisiz júrýi úshin neǵurlym qolaily jaǵdailar jasaýǵa múmkindik beredi. Avtomattandyrylǵan júie biylǵy jyldyń qyrkúiek aiynan bastap iske qosyldy. Avtokóliktiń shamadan tys salmaǵy anyqtalǵan kezde júie avtomatty túrde fotofiksatsiia jasaidy, sodan keiin aqparat kólik derekqorynyń aqparattyq-analitikalyq júiesine beriledi. Bul Kólik komitetine salmaq normalarynan asyp ketýge bailanysty quqyq buzýshylyqtar týraly habarlamalardy jedel jiberýge múmkindik beredi.
Avtomattandyrylǵan ólsheý júiesi qalaǵa negizgi kireberisterde: Pavlodar, Qaraǵandy, Qostanai, Kókshetaý, Qosshy qalalary, sondai-aq Qaraótkel jáne Malotimofeevka kentteri tarapynan ornatylǵan.
Aiyppuldardyń mólsheri oske shaqqandaǵy salmaqtyń artý dárejesine bailanysty jáne kásipkerlik túrine bailanysty – shaǵyn, orta nemese iri – 40 AEK-ten (147 myń 680 teńge) 1000 AEK-ke (3 mln 692 myń teńge) deiin ózgerýi múmkin.
Osylaisha, kólik quraldarynyń ruqsat etilgen massasy tómende keltirilgen normadan (tonnamen) aspaýy tiis:
-úsh osti (M3 sanatyndaǵy býyndy avtobýstardy qospaǵanda) – 25 tonna; - tórt osti, onyń ishinde eki basqarylatyn osi bar – 32 tonna; - bes osti – 38 tonna - alty nemese odan da kóp osteri bar – 44 tonna.
"Saraptamaǵa sáikes aýyr júk kólikteri (samosvaldar) tasymaldaý barysynda qoldanystaǵy normadan 1,5-2 ese artyq júk tasymaldaidy. Demek,normaǵa sáikes 25 tonna júk tasymaldaýǵa ruqsat bolsa, 35-40 tonna júk tiilgen faktiler tirkelip otyr. 2023 jyldyn basynan Kólik Ministrligi Astana ákimshiligimen birlese arnaiy avtomattandyrylǵan ólsheý júielerin ornatý boiynsha jumys bastap ketti. Olar qalaǵa kireberis joldarda 7 jerden ornatylǵan. Elorda mańyndaǵy 29 karerden júk tasymaldaityn 6300 aýyr júk samosval kóligi tirkelip otyr. Bul rettegi bizdiń basty maqsatymyz - bar joldardy mezgilsiz buzylýyna jol bermeý",- dep aitty Kólik ministrligi avtomobil kóligi jáne kóliktik baqylaý komitetiniń tóraǵasy Altai Áli.
Bul júie sybailas jemqorlyq táýekelderin barynsha azaitýǵa jáne adami faktordy boldyrmaýǵa múmkindik beredi. Jyl sońyna deiin bul júieni elimizdiń basqa óńirlerinde engizý josparlanýda.
