Almatynyń aýasyn jaqsartýǵa qatysty jańa joba ázirlenip jatyr. Bul týraly qala ákimdigi málimdedi, dep habarlaidy Dalanews.kz.
Qalada jańa erejeler jobasy - "Atmosferalyq aýany qorǵaý salasyndaǵy arnaiy ekologiialyq talaptardy engizý týraly" qujat ázirlenip jatyr. Qujat biyl tamyzda qoǵamdyq talqylaýdan ótti.
"Jobanyń basty maqsaty – megapolistegi aýanyń lastaný deńgeiin júieli túrde tómendetý. "Renessans pliýs" kompaniiasynyń dereginshe, ziian shyǵaryndylardyń shamamen 60 paiyzy kólikten keledi. Qalǵan bóligi jeke turǵyn úiler, ónerkásip oryndary, monsha men káýaphana, qoǵamdyq tamaqtaný nysany men qurylys alańdary syndy statsionarlyq lastaný kózderiniń qyzmetimen bailanysty", - dep jazylǵan habarlamada.
Ákimdik málimetinshe, bul erejeler jobasy - qalanyń bolashaq ekologiialyq saiasatynyń berik irgetasy. Onyń negizinde ziian shyǵaryndyny azaitýǵa, aýa sapasyn jaqsartýǵa baǵyttalǵan naqty qadamdar men tetikter kezeń-kezeńimen júzege aspaq. Usynylǵan sharalardyń arasynda óndiris oshaqtaryn jańǵyrtý, ekologiialyq taza otyn túrlerine kóshý sekildi mańyzdy baǵyttar bar.
Erejeler jobasyn qabyldaý men júzege asyrý qalanyń ekologiialyq jaǵdaiyn jaqsartyp, almatylyqtardyń ómir súrýine barynsha qolaily jaǵdai týǵyzýǵa jol ashady.
