Oblysta oqýshylarǵa arnalǵan «Ólketaný» oqýlyǵy shyǵarylýda
Qazirgi tańda oblysta «Rýhani jańǵyrý» baǵdarlamasy aiasynda «Tárbie jáne bilim», «Rýhani qazyna», «Tárbie jáne bilim», «Aqparat tolqyny» kishi baǵdarlamalary boiynsha 46 joba, 168 is-shara ázirlenip, júzege asyrylýda.
«Ónegeli bir saǵat» jobasy aiasynda tárbielik máni zor is-sharalar ulttyq qundylyqtar nasihattaldy. Is-sharada oqýshylardyń qoǵammen qarym-qatynasyn nyǵaitýǵa, dúnietanymyn keńeitýge baǵyttalǵan taǵylymdyq áńgime órbidi. Onlain rejimdegi taǵylymdyq sharasy ár onkúndikte basqa da tanymal tulǵalarmen júieli túrde júrgizilip turady.
Is-sharaǵa Qazaqstan Respýblikasynyń Mádeniet qairatkeri, memlekettik «Daryn» syilyǵynyń iegeri, aitysker aqyn Bekarys Shoibekovtiń qatysyp, onlain rejimde, ári bir mezette 67260 oqýshyǵa taǵylymdyq sabaq ótti.
«Ólketaný» páni boiynsha oblystyq konferentsiia ótti. «Rýhani jańǵyrý» ideiasy negizinde ótken bul jiynda jańartylǵan bilim berý mazmunyna kóshý jaǵdaiynda ǵylymi zertteýler nátijeleri jáne tarih pen qoǵamdyq pánderdi oqytýdyń ádis-tásilderimen bólisti.
Aldaǵy ýaqytta «Ólketaný» páni boiynsha ólketanýshylardyń úzdik sabaq nusqalarynyń qory jasaqtalady. Videosabaqtar ázirlenip, oblystaǵy mektepterdiń qoldanysyna engiziledi.
– Oblystyń tarihymen tolyq tanystyrý maqsatynda 2018-2019 oqý jylyna arnalǵan 5,6,7 synyptarǵa arnalǵan «Ólketaný» oqýlyǵy shyǵarylýda. Jyl boiy «Ólketaný» baǵyty boiynsha «Týǵan jerge taǵzym» aktsiiasy júieli túrde júrgizilip, oblys boiynsha 11000 jýyq oqýshy qatysty. Oqýshylar óz ólkesiniń tarihymen tanysyp, týǵan jerge degen patriottyq sezimderin ushtai tústi, – dedi B.Áshirbekov.
Sonymen qatar, tarih pániniń muǵalimi Ómir Shynybekuly «Esimhan tusyndaǵy qazaq handyǵy» taqyrybynda ashyq aspan astynda sabaq ótti. Tólebi aýdanynda ótken bul sabaqta «Qazaqstan tarihy» pánin kieli jerlerde oqytý arqyly ólkeniń tarihyn, osy óńirde bolǵan oqiǵalardyń erekshelikterin tanystyrý, kieli oryndardy zertteý oqýshylardyń tanymyn qalyptastyryp, ulttyq qundylyqtardy qadirleýge úiretý edi. Sabaqqa 6-7 synyptan 65 oqýshy qamtyldy.
«Abai danalyǵy» jobasy boiynsha 1038 mektepten «Abai álemi» klýby qurylǵan. Búginde klýbqa 20 760 oqýshy múshelikke qabyldanǵan. Oblys kóleminde is-shara uiymdastyrylyp, belsendiligimen erekshelengen aýdan, qaladan 30 oqýshy iriktelgen bolatyn.
Osy oraida, 18-24 maýsym aralyǵynda Túrkistan oblysynan úzdik 30 oqýshy Semei qalasyndaǵy Abai Qunanbaiulynyń týǵan ólkesine saiahattap qaitty.
Tanymdyq issapar Abai jatqan qasietti ólke Jidebaidan bastaý aldy. Jidebaidaǵy Abaidyń qoryq-mýzeiindegi qundy jádigerlermen tanysty. Munan soń, Abai, Muhtar Áýezov, Bórli murajailaryna, Abai, Shákárim kesenelerine, amfiteatrǵa, Kúshikbai ata bulaǵy, Eńlik-Kebek kesenesi, Abai aýdanyndaǵy Qaraýyl aýdanyndaǵy Qunanbai Óskenbaiulynyń eskertkishine at basyn tiredi. Shyǵys Qazaqstannyń tabiǵaty men mádenietin, qasietti jerlerin kórip, patriottyq jáne azamattyq tárbie alǵan oqýshylar, uly aqynnyń muralarymen tereńirek tanysý barysynda áserge bólengenderin jasyrmady.
«Jańa gýmanitarlyq bilim. Qazaq tilindegi 100 jańa oqýlyq» jobasy aiasynda biyl filosofiia, áleýmettaný, psihologiia, ekonomika, menedjment, dintaný, lingvistika, mádeniettaný, antropologiia, jýrnalistika salalary boiynsha JOO stýdentterine arnalǵan 18 oqýlyq aýdaryldy. Qazirgi ýaqytta kelesi 30 kitaptyń aýdarma jumysy jalǵasyp jatyr.
Bul oqýlyqtar JOO stýdentterine arnalǵan. Satylymda joq. Alǵashqy 18 oqýlyq 10 myń danadan basylyp, 110 joǵary oqý ornyna tegin taratyldy. Onyń ishinde, Túrkistan oblysyna 16000 dana kitap berilgen. Qazir oqytýshylar men professorlar, sala mamandary jańa kitaptardy 2018-2019 oqý jylynyń baǵdarlamasyna engizýge arnalǵan ádisteme daiyndap jatyr. Sonymen qatar, oqýlyqtardyń elektrondy nusqasy ázirlenip, ol Qazaqstannyń ashyq ýniversiteti – open U.kz platformasyna júkteldi. Kópshilik osy jerden oqi alady. Sondai-aq Ulttyq aýdarma biýrosy ár kitap negizinde jeke-jeke 20 minýttyq videolektsiialar toptamasyn túsirip jatyr.
Túrkistan oblysynyń qasietti, kieli oryndarynyń ańyz-áńgimeler jinaǵyn shyǵarýǵa oblystyq biýdjet esebinen 5 mln. 580 myń teńge qarjy qaralyp, búginde «Ońtústiktiń qasietti oryndary: ańyz-ápsanalar» atty 300-ge jýyq ańyz-áńgimeler jinaǵy shyqty.
Jobalyq keńseniń baiypty bastamalarynyń biri – «Altyn uiam» jobasy boiynsha 9 980 000 teńgeniń jumysy jasalyp, árbir azamattyń týǵan ortasyna degen qurmeti óz jemisin berdi. Iaǵni, mektepti birneshe jyl buryn támamdaǵan túlekter ózderi bilim alǵan ordanyń abattanýyna jáne tehnikalyq bazasynyń jaqsarýyna qolqabys kórsetýi.
Túrkistan oblysy ákiminiń baspasóz qyzmeti
