Oblys ákimi ShQO joǵary oqý oryndarynda oqý úshin 400 grant bóledi
– Stýdentterdi oqytýǵa osynshama qomaqty qarjylyq resýrstardy quia otyryp, biz JOO-larǵa basty shart qoiamyz – bul olardyń qalalar men aýdandarǵa shyǵyp, mektepterde belsendi jáne júieli kásibi baǵdarlaý jumystarnyn júrgizýi. JOO-larǵa passivti pozitsiia ustanýdy doǵaryp, talapkerlerdi irikteý jáne jinaqtaý boiynsha jumysty kúsheitetin kez jetti. Jańa suranysqa ie mamandyqtardy engizý kerek. Joǵary bilikti, onyń ishinde sheteldik professorlyq-oqytýshylyq quramdy tartý qajet. Granttardy bere otyryp, biraq oqý oryndarynyń rektorlarynań suranysty arttyramyz, – dedi ShQO ákimi turǵyndarmen esepti kezdesý barysynda.
Granttardyń bólinýine sebep bolyp otyrǵan jait – shyǵysqazaqstandyq balalardyń oqýǵa sheteldik JOO-larǵa ketýi. Ótken jyly óńirimiz sheteldik JOO-larǵa oqýǵa ketken túlekter sanyn eki esege deiin tómendetýge qol jetkize aldy. Alaida, atalmysh máseleni sheshýde keshendi tásil qajet dep sanaidy ShQO biligi. Sondyqtan, «Rýhani jańǵyrý» baǵdarlamasy aiasynda «Bilikti maman» baǵdarlamasy ázirlendi, ol óńirlik JOO-lardyń básekege qabelittiligin arttyrýdy jáne mektep túlekteriniń ketýin tómendetýdi kózdeidi.
– Árine, biz túlekterimizdiń Angliianyń, Frantsiianyń beldi joǵary oqý oryndarynda, iaǵni álemniń úzdik ýniversitetterinde oqýyn quptaimyz. Biraq, olardyń oqytý deńgeii men sapasy qazaqstandyq shamadaǵy, tipti odan da tómen ýniversitetterden góri óz elinde jáne óz oblysynda oqyǵany durys bolar edi, – dedi D. Ahmetov.
https://dalanews.kz/34308
