Jumys saparynyń alǵashqy kúni óńir basshysy Túpqaraǵan aýdanynyń Aqshuqyr, Saiyn Shapaǵatov jáne Taýshyq aýyldaryndaǵy áleýmettik nysandardy aralady.
Birinshi kezekte Nurlan Noǵaev «Tetis» JShS sý tushytý zaýyty men jylyjaiynyń qyzmetimen tanysty. Sý tushytý zaýyty Aqshuqyr kentiniń Begei jerindegi jer asty kózderinen óndiriletin tabiǵi aýyz sýdy óndirýmen jáne quiýmen ainalysady. Tehnolog Elena Mýhinanyń aitýynsha, kásiporynda arnaiy jabdyq ornatylǵan, sonyń arqasynda sý uńǵymadan kelip túsedi jáne kómir jáne kvarts súzgileri arqyly kóp satyly tazartýdan ótedi, sodan keiin ydysqa quiylyp, jinalady, súziledi jáne quiý jelisine shyǵady. Zaýyttyń qýattylyǵy 1 saǵatta 2 000 shólmekti quraidy. Kásiporynda 45 adam jumys isteidi.
Budan keiin aimaq basshysy Nurlan Noǵaev táýligine 1000 dana sábilerge arnalǵan kiim tigetin «Rakhim baby» tigin tsehyna bardy. Tsehta Aqshuqyr aýylynyń 40-qa jýyq turǵyny jumys isteidi. Ákim tiginshilerdiń jumysyna sáttilik tiledi.
Budan keiin Nurlan Noǵaev Kaspii teńizinde joiylyp ketý qaýpi bar bekire tuqymdas balyqtardyń 6 túrin arnaiy basseinderde ósiretin jáne bekire ýyldyryǵyn óndirýge daiyndyq jumystaryn júrgizetin "Kazakh osseter" zaýytyna bardy. Ǵylymi-óndiristik kásiporyn 7 jyldan beri jumys istep keledi.
Aimaq basshysy Saiyn Shapaǵatov aýylynyń turǵyndarymen de kezdesti. Jinalǵandar turǵyn úi kezegi, tabiǵi gazben qamtamasyz etý, sporttyq jáne mádeni nysandar, balabaqsha, meditsinalyq ortalyqtar men jańa aialdamalar salý máselelerin kóterdi. Suraqtardyń bir bóligi jumysyzdyq máselesine arnaldy. Oblys ákimi óz kezeginde qazirgi ýaqytta jumysqa ornalastyrý máselesi eki tásilmen sheshilip jatqanyn atap ótti. Sondai-aq, adam óz betinshe jumys ornyn taba alady nemese memleketten bos oryn alý úshin jergilikti jumyspen qamtý ortalyǵyna kezekke tura alatynyn jetkizdi.
– Bizdiń mindetimiz barlyq máselelerdi júieli túrde sheshý. Bizdiń elimizde adam óz-ózin taýyp,áleýetin ashýy úshin barlyq múmkindikter bar. Kez kelgen eńbek adamdy qai jerde jumys istese de, óziniń eńbegimen eń jaqsy adami qasietterin kórsete alady. Adam bir nárse isteý úshin eńbekke degen súiispenshiligin, tabandylyǵyn, adaldyǵyn kórsete bilý kerek. Árkim óz otbasyn asyraýǵa jáne jaqsy ómir súrýge umtylýy kerek. Eger árkim birdei algoritmdi ustansa, aimaqtaǵy jumyssyzdyq deńgeii tómen bolar edi. Sondyqtan kóp nárse adamnyń ózine bailanysty, – dedi Nurlan Noǵaev.
Sonymen qatar, óńir basshysy Saiyn Shapaǵatov jáne Taýshyq aýyldarynyń dárigerlik ambýlatoriialaryna bardy. Nysandardyń jai-kúiimen tanysyp, meditsina qyzmetkerlerine pandemiia kezindegi adal eńbekteri úshin alǵysyn aitty.
Nurlan Noǵaev Taýshyq aýylynyń sport kesheninde jas sportshylarmen kezdesý ótkizip, tárbielenýshiler óz sheberlikterin kórsetti. Sport kesheni birneshe baǵytta jumys isteidi: Qazaqsha kúres, djiý-djitsý, boks, sadak atý, shaǵyn fýtbol.
– Ár adamnyń erik kúshi bolýy mańyzdy. Ol adam óz-ózin jeńip, ózine tótep bere alǵanda kezde baiqalady. Bul sportshyǵa kásibi jolda kútken qiyndyqtardan qorqýdy jeńýge kómektesetin erik kúsh.Sizder-elimizdiń bolashaǵysyzdar. Alda kóptegen jeńister bolatynyna senimdimin, – dep jas sportshylarǵa sáttilik tiledi Nurlan Noǵaev.
