Aktiv otyrysyna partiianyń oblystyq filialynyń atqarýshy hatshysy Beisen Tájibaev, Saiasi keńes músheleri, qoǵamdyq keńester men bastaýysh partiia uiymdarynyń tóraǵalary, máslihat depýtattary, partiia ardagerleri men belsendileri, «Jas Otan» jastar qanatynyń jastary, úkimettik emes uiym jáne BAQ ókilderi qatysty.
– Memleket basshysy Qasym-Jomart Toqaev biylǵy Joldaýynda aldaǵy júzege ýaqytta júzege asatyn Memlekettik basqarý isindegi basty ózgeristerge toqtaldy. Elde Parlamenttiń yqpalyn kúsheitip, berik negizdi elge ainalýdyń alǵysharttaryn usyndy. Saiasi transformatsiialar – qoǵamdaǵy ádildikti ornatyp, el daýmyna erekshe serpin beretindigine de toqtaldy.
Memleket basshysynyń usynysymen elimizdiń ákimshilik-aýmaqtyq qurylymyna ózgerister engiziledi. Bul tarihi ádilettilikti ornatyp qana qoimai, jergilikti turǵyndardyń áleýmettik jaǵdaiyna da oń yqpalyn tigizeri anyq. Biz buǵan ózimizdiń Túrkistan oblysynyń búgingi kelbeti men tynys-tirshiligin mysal retinde kórsete alamyz, – degen Ómirzaq Shókeev Joldaýdaǵy baǵyttar Jańa Qazaqstandy qurýǵa degen úlken talpynys, zor múmkindik ekenin atap ótti.
Kún tártibindegi másele boiynsha oblystyq partiia filialynyń atqarýshy hatshysy Beisen Tájibaevqa sóz berilip, saiasi uiymdaǵy jańa bastamalar men modernizatsiialaý baǵytyndaǵy atqarylyp jatqan jumystar jaiy baiandaldy.
– Oblystyq jáne aýdandyq máslihat depýtattarynyń, jaýapty basqarma men jergilikti qurylymdyq bólim mamandarynyń qatysýymen mobildi qoǵamdyq qabyldaýlar júrgizilýde. Alǵashqy qabyldaýlar Qazyǵurt, Sozaq aýdandarynyń shalǵai aýyldarynda ótti. Qabyldaýlarǵa 244 azamat kelip, óz ótinishterin bildirdi. Olardyń negizgi kóterip otyrǵan máseleleri: jańa mektepter salý, sýbsidiia, ishki jol qurylysy, aýyz sý, jaiylym jer, elektr energiiasy men internet sapasynyń nasharlyǵy, densaýlyq saqtaý jáne turaqty jumyspen qamtý. Bul jumystar biyl 1 maýsymǵa deiin 14 aýdannyń eń shalǵai aýyldarynda jalǵasady.
Oblys kólemindegi bastaýysh partiia uiymdarynda zerdeleý júrgizilip, 21 BPU-da qoǵamdyq qabyldaý bólmesin ashý qolǵa alyndy. Sonymen qatar oblystyq partiia filialy janynan qurylǵan 12 qoǵamdyq keńes ońtailandyrylyp, sany 8-ge azaidy. Al aýdan, qalalardaǵy keńesterdiń sany 9-dan 5-ke kemidi. Qalai desek te, búgingi Joldaý el tarihynda «Jańa Qazaqstan» tujyrymdamasyn iske asyrýdyń basty, qundy qujaty retinde sanalary anyq, – dedi Beisan Tájibaev.
Aktiv jiynynda Saýran aýdandyq ardagerler keńesiniń tóraǵasy Seiilhan Ahmetov, «Turkistan» telearnasynyń aqparattyq-saraptamalyq baǵdarlamalar departamentiniń direktory Gúljazira Matenova, Keles aýdandyq máslihatynyń depýtaty D.Abdiev Joldaýǵa qatysty oilaryn ortaǵa saldy.
Májilis sońynda Ó.Shókeev Joldaýdy jan-jaqty saralaý úshin aýdan, qalalarda aktiv jinalystaryn ótkizýdi, halyqqa keń kólemde nasihattaýdy uiymdastyrý tapsyrmalaryn júktedi.
