اكتيۆ وتىرىسىنا پارتيانىڭ وبلىستىق فيليالىنىڭ اتقارۋشى حاتشىسى بەيسەن تاجىبايەۆ، ساياسي كەڭەس مۇشەلەرى، قوعامدىق كەڭەستەر مەن باستاۋىش پارتيا ۇيىمدارىنىڭ ءتوراعالارى، ءماسليحات دەپۋتاتتارى، پارتيا ارداگەرلەرى مەن بەلسەندىلەرى، «Jas Otan» جاستار قاناتىنىڭ جاستارى، ۇكىمەتتىك ەمەس ۇيىم جانە ب ا ق وكىلدەرى قاتىستى.
– مەملەكەت باسشىسى قاسىم-جومارت توقايەۆ بيىلعى جولداۋىندا الداعى جۇزەگە ۋاقىتتا جۇزەگە اساتىن مەملەكەتتىك باسقارۋ ىسىندەگى باستى وزگەرىستەرگە توقتالدى. ەلدە پارلامەنتتىڭ ىقپالىن كۇشەيتىپ، بەرىك نەگىزدى ەلگە اينالۋدىڭ العىشارتتارىن ۇسىندى. ساياسي ترانسفورماسيالار – قوعامداعى ادىلدىكتى ورناتىپ، ەل داۋمىنا ەرەكشە سەرپىن بەرەتىندىگىنە دە توقتالدى.
مەملەكەت باسشىسىنىڭ ۇسىنىسىمەن ەلىمىزدىڭ اكىمشىلىك-اۋماقتىق قۇرىلىمىنا وزگەرىستەر ەنگىزىلەدى. بۇل تاريحي ادىلەتتىلىكتى ورناتىپ قانا قويماي، جەرگىلىكتى تۇرعىنداردىڭ الەۋمەتتىك جاعدايىنا دا وڭ ىقپالىن تيگىزەرى انىق. ءبىز بۇعان ءوزىمىزدىڭ تۇركىستان وبلىسىنىڭ بۇگىنگى كەلبەتى مەن تىنىس-تىرشىلىگىن مىسال رەتىندە كورسەتە الامىز، – دەگەن ءومىرزاق شوكەيەۆ جولداۋداعى باعىتتار جاڭا قازاقستاندى قۇرۋعا دەگەن ۇلكەن تالپىنىس، زور مۇمكىندىك ەكەنىن اتاپ ءوتتى.
كۇن تارتىبىندەگى ماسەلە بويىنشا وبلىستىق پارتيا فيليالىنىڭ اتقارۋشى حاتشىسى بەيسەن تاجىبايەۆقا ءسوز بەرىلىپ، ساياسي ۇيىمداعى جاڭا باستامالار مەن مودەرنيزاسيالاۋ باعىتىنداعى اتقارىلىپ جاتقان جۇمىستار جايى باياندالدى.
– وبلىستىق جانە اۋداندىق ءماسليحات دەپۋتاتتارىنىڭ، جاۋاپتى باسقارما مەن جەرگىلىكتى قۇرىلىمدىق ءبولىم ماماندارىنىڭ قاتىسۋىمەن ءموبيلدى قوعامدىق قابىلداۋلار جۇرگىزىلۋدە. العاشقى قابىلداۋلار قازىعۇرت، سوزاق اۋداندارىنىڭ شالعاي اۋىلدارىندا ءوتتى. قابىلداۋلارعا 244 ازامات كەلىپ، ءوز وتىنىشتەرىن ءبىلدىردى. ولاردىڭ نەگىزگى كوتەرىپ وتىرعان ماسەلەلەرى: جاڭا مەكتەپتەر سالۋ، سۋبسيديا، ىشكى جول قۇرىلىسى، اۋىز سۋ، جايىلىم جەر، ەلەكتر ەنەرگياسى مەن ينتەرنەت ساپاسىنىڭ ناشارلىعى، دەنساۋلىق ساقتاۋ جانە تۇراقتى جۇمىسپەن قامتۋ. بۇل جۇمىستار بيىل 1 ماۋسىمعا دەيىن 14 اۋداننىڭ ەڭ شالعاي اۋىلدارىندا جالعاسادى.
وبلىس كولەمىندەگى باستاۋىش پارتيا ۇيىمدارىندا زەردەلەۋ جۇرگىزىلىپ، 21 بپۇ-دا قوعامدىق قابىلداۋ بولمەسىن اشۋ قولعا الىندى. سونىمەن قاتار وبلىستىق پارتيا فيليالى جانىنان قۇرىلعان 12 قوعامدىق كەڭەس وڭتايلاندىرىلىپ، سانى 8-گە ازايدى. ال اۋدان، قالالارداعى كەڭەستەردىڭ سانى 9-دان 5-كە كەمىدى. قالاي دەسەك تە، بۇگىنگى جولداۋ ەل تاريحىندا «جاڭا قازاقستان» تۇجىرىمداماسىن ىسكە اسىرۋدىڭ باستى، قۇندى قۇجاتى رەتىندە سانالارى انىق، – دەدى بەيسان تاجىبايەۆ.
اكتيۆ جيىنىندا ساۋران اۋداندىق ارداگەرلەر كەڭەسىنىڭ ءتوراعاسى سەيىلحان احمەتوۆ، «Turkistan» تەلەارناسىنىڭ اقپاراتتىق-ساراپتامالىق باعدارلامالار دەپارتامەنتىنىڭ ديرەكتورى گۇلجازيرا ماتەنوۆا، كەلەس اۋداندىق ءماسليحاتىنىڭ دەپۋتاتى د.ابدييەۆ جولداۋعا قاتىستى ويلارىن ورتاعا سالدى.
ءماجىلىس سوڭىندا ءو.شوكەيەۆ جولداۋدى جان-جاقتى سارالاۋ ءۇشىن اۋدان، قالالاردا اكتيۆ جينالىستارىن وتكىزۋدى، حالىققا كەڭ كولەمدە ناسيحاتتاۋدى ۇيىمداستىرۋ تاپسىرمالارىن جۇكتەدى.
