2030 جىلعا قاراي الماتىدا قوعامدىق كٶلٸكپەن تەۋلٸگٸنە قاتىناۋ سانىن 2,3 ملن-عا دەيٸن جەتكٸزۋ جوسپارلانىپ وتىر. بۇل باستاپقى كٶرسەتكٸشتەن شامامەن 64%-عا جوعارى. اتالعان ماقساتتى كٶرسەتكٸشتەر قالانىڭ باس جوسپارىن تٷزەتۋ كەزٸندە دە ساقتالادى. بۇل تۋرالى «الماتىباسجوسپار» عزي باسشىسى اسحات سەدۋوۆ مەسليحات دەپۋتاتى سادير حامراەۆتىڭ الماتىنىڭ كٶلٸك جٷيەسٸن دامىتۋ جٶنٸندەگٸ سۇراعىنا جاۋاپ بەرۋ بارىسىندا ايتتى, دەپ حابارلايدى dalanews.kz.
اسحات سەدۋوۆتىڭ ايتۋىنشا, نەگٸزگٸ مٸندەتتەردٸڭ بٸرٸ قوعامدىق كٶلٸكتٸ تۇرعىندار ٷشٸن بارىنشا قولايلى ەتۋ. بۇل جەكە اۆتوكٶلٸكتٸ پايدالانۋ قاجەتتٸلٸگٸن ازايتىپ, جولعا كەتەتٸن ۋاقىتتى قىسقارتۋعا مٷمكٸندٸك بەرەدٸ.
وسى ماقساتتا اۋداندار اراسىنداعى باعىتتى دامىتۋ, قولايلى كٶلٸك اۋىستىرىپ مٸنۋ توراپتارىن ۇيىمداستىرۋ جەنە قالا ٸشٸندە ەر جولى ورتالىق ارقىلى ٶتپەي-اق قاتىناۋعا مٷمكٸندٸك بەرەتٸن كٶلٸك بايلانىستارىن قالىپتاستىرۋ كٶزدەلگەن.
2040 جىلعا قاراي باس جوسپاردا جەكە اۆتوكٶلٸكتٸ پايدالانۋ دەڭگەيٸن باستاپقى كٶرسەتكٸشپەن سالىستىرعاندا شامامەن 20%-عا تٶمەندەتۋ قاراستىرىلعان.
سونىمەن قاتار قوعامدىق كٶلٸك جەلٸلەرٸنٸڭ جالپى ۇزىندىعىن قازٸرگٸ 981 شاقىرىمنان 2030 جىلعا قاراي 1 040 شاقىرىمعا, ال 2040 جىلعا قاراي 1 214 شاقىرىمعا دەيٸن ۇلعايتۋ جوسپارلانىپ وتىر.
بۇدان بٶلەك, جۇمىس ورىندارى مەن كٷندەلٸكتٸ قاجەتتٸ قىزمەتتەردٸ تۇرعىن اۋداندارعا جاقىنداتۋ ٷشٸن بەس پوليورتالىقتى دامىتۋ كٶزدەلگەن. بۇل قالا ٸشٸندە الىس قاشىقتىققا قاتىناۋ قاجەتتٸلٸگٸن ازايتۋعا مٷمكٸندٸك بەرەدٸ.
حالىق سانىنىڭ بولجامى ناقتىلانعان سايىن جولاۋشىلار تاسىمالىنا دەگەن قاجەتتٸلٸك تە قايتا ەسەپتەلەدٸ.
كٶلٸك جٷيەسٸن دامىتۋ نەتيجەلەرٸ جولعا كەتەتٸن ۋاقىت, قوعامدىق كٶلٸكتٸڭ قوزعالىس جىلدامدىعى جەنە اۋداندار اراسىنداعى قاتىناۋدىڭ قولايلىلىعى سەكٸلدٸ كٶرسەتكٸشتەر بويىنشا باعالانادى.
