Esep berý kezdesýinde Batyr aýylynyń ákimi Saýyt Aıtbaev bir jylda atqarylǵan jumystardy baıandap, aǵymdaǵy jyldyń josparlarymen bólisti. Nurlan Noǵaev óz kezeginde turǵyndardyń saýaldaryna jaýap berdi.
Halyq aýyz sýmen, kógildir otynmen, qoǵamdyq kólikpen qamtamasyz etý, turmystyq qaldyqtardy shyǵarý, kóshelerdi jaryqtandyrý, mádenıet úıiniń qurylysy, mekteptegi bilim sapasy máselelerdi kóterdi.
Batyr aýyldyq okrýgine 8 yqshamaýdan kiredi. Olar – Ámir, Sherqala, Samal, Bolashaq, Hazar, Astana, Almaty, Tamshaly. Onda barlyǵy 19 myńǵa jýyq turǵyn turady. Ámir jáne Almaty shaǵyn aýdandarynda 960 oryndyq eki orta mektep bar. Onda 5088 bala bilim alýda.
Sondaı-aq, «Samal» yqshamaýdanyndaǵy 1200 oryndyq mektep qurylysynyń jobalyq-smetalyq qujattary ázirlenip, memlekettik saraptamaǵa jiberildi.
Aýyl ákiminiń aıtýynsha, bıylǵy jyly memlekettik-jekemenshik áriptestik aıasynda «Astana» shaǵyn aýdanynda 2 medısınalyq pýnkt, Tamshaly yqshamaýdanynda bir balalar oıyn alańy jáne bir sport alańyn salý josparlanýda.
Jıyn barysynda turǵyndar sapaly memlekettik qyzmet kórsetý máselesin kóterdi.
– Memlekettik qyzmetshilerdiń basty mindeti – halyqqa sapaly qyzmet kórsetý. Qyzmet kórsetýshiniń óz laýazymyn asyra paıdalanyp, halyqqa dórekilik kórsetýge quqyǵy joq. Bizde belgili bir qyzmet kórsetý boıynsha pikir qaldyrýǵa arnalǵan birqatar jili bar, sonyń biri – Telegram qosymshasyndaǵy «Mańǵystaý oblysynyń ákimdigi» chaty, oǵan kez kelgen adam kirip, anonımdi túrde suraq qoıyp, ótinishterin jetkize alady. Ol chatta men de, áriptesterim de bar. Sondyqtan turǵyndardyń kez-kelgen suraǵy jaýapsyz qalmaıdy, – dedi Nurlan Noǵaev.
Búgingi kúni Telegram qosymshasyndaǵy «Mańǵystaý oblysynyń ákimdigi» chat arnasynda (https://t.me/mangystauakimat) 9400-den astam turǵyn bar, chat ashylǵannan beri (2021j. qazan) turǵyndar tarapynan 5447 suraq kelip túsken.
Tústen keıin Nurlan Noǵaev Qyzyltóbe aýylynyń turǵyndarymen kezdesti. Búginde Qyzyltóbe aýylynda 31 myńnan astam halyq turady. Aýyldyq okrýgte 1 jabyq sport kesheni, 3 ashyq fýtbol alańy, vorkaýt, voleıbol jáne 8 balalar alańy bar.
Oblys ákimimen kezdesýde aýyl turǵyndary aýyz sýdyń jetispeýshiligi, qańǵybas ıtterdiń kózin joıý, densaýlyq saqtaý salasynyń sapasy, jańa mektep pen sport keshenin salý, kóshelerdegi kólik júretin joldardyń máselesin kóterdi. Aımaq basshysy barlyq aýdan, qalalar boıynsha is-sharalar jospary ázirlenetinin, onda máseleler mańyzdylyǵyna qaraı sheshiletinin atap ótti.
Esep berý kezdesýleriniń qorytyndysy boıynsha oblys ákimi Batyr jáne Qyzyltóbe aýyldarynyń azamattaryna arnap jeke qabyldaý ótkizdi.
Áleýmettik kómekti arttyrý týraly usynysty qalalyq máslıhat qoldady. Áleýmettik kómektiń bul túrin alýǵa ótinimdi egov.kz («elektrondyq ótinishter» – «onlaın qyzmetke tapsyrys berý») portal arqyly qaldyrýǵa bolady.
«Ustaý» baǵanynda turǵyn úıdi gazdandyrýǵa áleýmettik kómek, «alýshy» baǵanynda – jumyspen qamtý jáne áleýmettik qorǵaý basqarmasy tańdalady.
Eske sala keteıik, elordada jeke sektordy gazdandyrý jumysy jalǵasýda. Qazirgi ýaqytta Almaty jáne Saryarqa aýdandary tolyǵymen gazdandyryldy.
Ol úshin qalada 680 shaqyrymnan astam gaz taratý jelileri salynyp, 9 eldi mekenge gaz jetkizildi. Qalǵan eki aýdan boıynsha gaz taratý jelilerin salý jumysy kezeń-kezeńmen júrgizilýde.
Elordany gazdandyrý qala ekologıasyn aıtarlyqtaı jaqsartýǵa áser etedi. Qazirgi ýaqytta 3 myńnan astam otbasy gazǵa kóshti.
Bul qazirdiń ózinde 40 myńnan asa otbasy óz úıin kómirmen jylytpaıdy degendi bildiredi. Al bul ortasha eseppen 40 myń tonna kómirdi quraıdy.
Gazǵa qosylǵan úılerdiń sany kún saıyn artyp keledi. Sonymen qatar JEO-1 jáne JEO-2-degi barlyq sý jylytý qazandyǵy gazǵa aýystyryldy.
Qalany gazdandyrý Memleket basshysynyń tikeleı baqylaýynda.
