Jaýyngerlik daiarlyqtan dástúrli túrde ótkiziletin taktikalyq-saptyq sabaqtarǵa qatysýshylar aýmaqtyq qorǵanys daiyndyǵy jónindegi is-sharalardyń sheńberinde zańnamada belgilengen tártibimen shaqyrylǵan. Áskerler jaýyngerlik ázirliktiń joǵary deńgeiine keltiriledi. Jattyǵý barysynda shtattyq kiim-keshektiń, bailanys quraldarynyń, jeke qorǵanys quraldarynyń, túngi aspaptardyń, nysanalardyń jáne basqa da áskeri múliktiń sany men jai-kúii tekseriledi.
Áskeri bólimderdiń basshylyǵy áskeri bólimderge, bazalarǵa, áýe ailaqtary men áskeri qalashyqtarǵa shabýyl jasaý kezinde bólimshelerdiń, kezekshi kúshter men quraldardyń ushqyshsyz ushý apparattaryna jáne shartty qarsylastyń diversiialyq toptaryna qarsy is-qimyl jasaýǵa daiyndyǵyn arttyrýǵa erekshe nazar aýdarady.
Áskeri basqarý organdarynda birlesken shtabtyq jattyǵý ótkizilip, onyń barysynda qaýip-qater artqan jaǵdaida áskeri qaýipsizdikti qamtamasyz etý máseleleri pysyqtaldy. Bul sharalardyń bári Qarýly kúshter birlestikteriniń, quramalary men bólimderiniń jaýyngerlik ázirlik deńgeiin, basqa áskerler men áskeri quralymdarmen jedel úilesimdiligin anyqtaýǵa múmkindik berdi.
Taktikalyq-arnaiy jattyǵýlar – jaýyngerlerdiń fýnktsionaldyq mindetterin oryndaý ádisi. Bul rette, bólimshe komandirleri jeke quramdy oqýtymen qosa, olardy basqarý boiynsha da tájiribe alady. Sonymen qosa urystyń kez-kelgen formatynda bailanysty ornatýdyń qolaily jáne tiimdi tásilderin izdestiredi.
Búgingi kúni taktikalyq-arnaiy sabaqtar áskerlerdiń tájiribesin shyńdaý quralyna ainalǵan. Sebebi osy sabaqtar barysynda jeke quram bar teoriialyq bilimderin pysyqtaýmen qatar, keshendi túrde bailanys ornatý, túrli aýa raiynda jáne beitanys mekenderde de jaǵdaiynda bailanysty ornatý tásilderin meńgerip, biliktilikterin arttyrady.
