Búgin oblys ákimi Murat Ergeshbaev, «AMANAT» partiiasynyń hatshysy Erjan Jylqybaev, QR Parlamenti Májilisiniń depýtaty Marhabat Jaiymbetov, Ónerkásip jáne qurylys ministrligi mamandarynyń qatysýymen «TURǴYNDAR AMANATY» partiialyq jobasy aiasynda forým ótti, dep habarlaidy dalanews.kz
Onda kóppáterli turǵyn úilerdi basqarý júiesin jetildirý, turǵyn úi-kommýnaldyq sharýashylyq salasyndaǵy ózekti máseleler talqylandy.
«Memleket basshysynyń tapsyrmasyna sáikes Qyzylorda qalasynyń kópqabatty turǵyn úilerin ystyq sýmen qamtý jobasy júzege asyrylyp, búginde turǵyndar onyń igiligin kórýde.
Turǵyn úi qoryn jańartý turaqty baqylaýymyzda. Úsh jylda 3 mlrd. 500 mln. teńgege 65 kóppáterli turǵyn úi kúrdeli jóndeýden ótti. Qyzylorda qalasynda 1 mlrd. 775 mln. teńgege 60 eski kópqabatty turǵyn úidiń qasbetteri zamanaýi panelmen qaptaldy, 4 mlrd. teńgege qosymsha 70 turǵyn úi jańartylýda. Aýlalarǵa demeýshiler esebinen 80 sport, oiyn alańy ornatyldy.
«Taza Qazaqstan» ekologiialyq aktsiiasy aiasynda eldi mekenderdi abattandyrý, qorshaǵan ortany taza ustaý, kógaldandyrý jáne ekologiialyq mádenietti qalyptastyrýda aýqymdy sharalar uiymdastyrylyp keledi. Maqsat – turǵyndardyń jaily ómir súrýine qolaily jaǵdai jasaý.
Forým aiasynda kóterilgen bastamalar elimizdegi jáne Syr óńirindegi turǵyn úi salasynyń damýyna oń serpin beredi dep senemin. Barshańyzǵa myqty densaýlyq, otbasylaryńyzǵa amandyq, eńbekterińizge tabys tileimin!» – dedi Murat Nálqojauly.
Basqosýda Erjan Jumatuly, Marhabat Jaiymbetuly, Qurylys jáne turǵyn úi-kommýnaldyq sharýashylyq isteri komiteti tóraǵasynyń orynbasary Qanat Tursynbaiuly, «Qazaqstandyq turǵyn úi-kommýnaldyq sharýashylyqty jańǵyrtý men damytý ortalyǵy» AQ departament direktory Marǵulan Jeńisuly, oblystyq energetika jáne turǵyn úi-kommýnaldyq sharýashylyq basqarmasynyń basshysy Medet Ýsainuly, Qyzylorda qalasynyń ákimi Nurjan Sábituly, Páter ieleri assotsiatsiiasynyń Qyzylorda qalasy boiynsha tóraiymy Ilimjaýhar Keńesqyzy sóz sóiledi.
