جاۋىنگەرلٸك دايارلىقتان دەستٷرلٸ تٷردە ٶتكٸزٸلەتٸن تاكتيكالىق-ساپتىق ساباقتارعا قاتىسۋشىلار اۋماقتىق قورعانىس دايىندىعى جٶنٸندەگٸ ٸس-شارالاردىڭ شەڭبەرٸندە زاڭنامادا بەلگٸلەنگەن تەرتٸبٸمەن شاقىرىلعان. ەسكەرلەر جاۋىنگەرلٸك ەزٸرلٸكتٸڭ جوعارى دەڭگەيٸنە كەلتٸرٸلەدٸ. جاتتىعۋ بارىسىندا شتاتتىق كيٸم-كەشەكتٸڭ, بايلانىس قۇرالدارىنىڭ, جەكە قورعانىس قۇرالدارىنىڭ, تٷنگٸ اسپاپتاردىڭ, نىسانالاردىڭ جەنە باسقا دا ەسكەري مٷلٸكتٸڭ سانى مەن جاي-كٷيٸ تەكسەرٸلەدٸ.
ەسكەري بٶلٸمدەردٸڭ باسشىلىعى ەسكەري بٶلٸمدەرگە, بازالارعا, ەۋە ايلاقتارى مەن ەسكەري قالاشىقتارعا شابۋىل جاساۋ كەزٸندە بٶلٸمشەلەردٸڭ, كەزەكشٸ كٷشتەر مەن قۇرالداردىڭ ۇشقىشسىز ۇشۋ اپپاراتتارىنا جەنە شارتتى قارسىلاستىڭ ديۆەرسييالىق توپتارىنا قارسى ٸس-قيمىل جاساۋعا دايىندىعىن ارتتىرۋعا ەرەكشە نازار اۋدارادى.
ەسكەري باسقارۋ ورگاندارىندا بٸرلەسكەن شتابتىق جاتتىعۋ ٶتكٸزٸلٸپ, ونىڭ بارىسىندا قاۋٸپ-قاتەر ارتقان جاعدايدا ەسكەري قاۋٸپسٸزدٸكتٸ قامتاماسىز ەتۋ مەسەلەلەرٸ پىسىقتالدى. بۇل شارالاردىڭ بەرٸ قارۋلى كٷشتەر بٸرلەستٸكتەرٸنٸڭ, قۇرامالارى مەن بٶلٸمدەرٸنٸڭ جاۋىنگەرلٸك ەزٸرلٸك دەڭگەيٸن, باسقا ەسكەرلەر مەن ەسكەري قۇرالىمدارمەن جەدەل ٷيلەسٸمدٸلٸگٸن انىقتاۋعا مٷمكٸندٸك بەردٸ.
تاكتيكالىق-ارنايى جاتتىعۋلار – جاۋىنگەرلەردٸڭ فۋنكتسيونالدىق مٸندەتتەرٸن ورىنداۋ ەدٸسٸ. بۇل رەتتە, بٶلٸمشە كومانديرلەرٸ جەكە قۇرامدى وقۋتىمەن قوسا, ولاردى باسقارۋ بويىنشا دا تەجٸريبە الادى. سونىمەن قوسا ۇرىستىڭ كەز-كەلگەن فورماتىندا بايلانىستى ورناتۋدىڭ قولايلى جەنە تيٸمدٸ تەسٸلدەرٸن ٸزدەستٸرەدٸ.
بٷگٸنگٸ كٷنٸ تاكتيكالىق-ارنايى ساباقتار ەسكەرلەردٸڭ تەجٸريبەسٸن شىڭداۋ قۇرالىنا اينالعان. سەبەبٸ وسى ساباقتار بارىسىندا جەكە قۇرام بار تەورييالىق بٸلٸمدەرٸن پىسىقتاۋمەن قاتار, كەشەندٸ تٷردە بايلانىس ورناتۋ, تٷرلٸ اۋا رايىندا جەنە بەيتانىس مەكەندەردە دە جاعدايىندا بايلانىستى ورناتۋ تەسٸلدەرٸن مەڭگەرٸپ, بٸلٸكتٸلٸكتەرٸن ارتتىرادى.
