Qazaqstannyń Tuńǵysh Prezidenti Nursultan Nazarbaevtyń shóberesi Lora Álieva TikTok jelisinde belsendi túrde video jariialai bastady, dep habarlaidy dalanews.kz.
Lora Álieva – Nursultan Nazarbaevtyń úlken nemeresi Nuraly Álievtiń qyzy. Nuraly Áliev – Dariǵa Nazarbaevanyń uly ári marqum Rahat Álievtiń balasy.
Áleýmettik jelide jariialanǵan videolarynyń birinde Lora ómirden ótken atasy Rahat Áliev pen aǵasy Aisultan Nazarbaevty eske alyp, olarǵa arnaiy jazba arnaǵan.
Derekkóz málimetinshe, Nuraly Áliev pen jubaiy Aida Álieva tórt bala tárbielep otyr.
Aita keteiik, osy jyldyń qańtarynda Nuraly Áliev Shveitsariianyń Davos qalasynda ótken Dúniejúzilik ekonomikalyq forýmǵa qatysqan. Sondai-aq 10 qańtar kúni Instagram paraqshasynda The Spark of Light atty jańa jobasyn tanystyrdy.
Jobanyń resmi aqparatyna sáikes, onyń negizgi baǵyty – sanaly ómir saltyn qalyptastyrý, ishki úilesim men mentaldyq densaýlyqty damytý. Bastama adamdarǵa rýhani tepe-teńdikke jetýge, ómirin sanaly túrde qurýǵa jáne jahandyq ózgeristerge beiimdelýge kómektesýdi maqsat etedi.
Lora Álievanyń TikTok-taǵy belsendiligi áleýmettik jeli qoldanýshylarynyń qyzyǵýshylyǵyn týdyryp, tanymal áýlet ókilderi týraly talqylaýdy qaita jandandyrdy.
