Aýrýdyń qaýpi áli de joǵary, buǵan epıdemıologıalyq jaǵdaı boıynsha Nur-Sultan qalasynyń 10 naýryzdan bastap «qyzyl aımaqqa» engeni dálel. Mundaı jaǵdaıda buqaralyq is-sharalar, konsertter men qoıylymdar qoıýdyń sońy qala turǵyndarynyń ómirine qaýip týdyrady.
Degenmen merekelik kóńil kúı ornatý úshin ashyq aýada qoǵamdyq keńistikter uıymdastyrylady, ıaǵnı qalany bezendirgen túrli-tústi fotoaımaqtar men dekorasıalar ornatylady. Halqymyzdyń ejelden kele jatqan kıiz úıi, jaılaýdy eske túsiretin jasyl kilemderi merekeniń kórkin arttyrmaq. Bul jumysqa búdjetten qarajat bólinbeıdi.
Aıta ketý kerek, Naýryz merekesi kúnderi polısıa men ákimdik qyzmetkerleri táýlik boıy kezekshilik júrgizetin bolady. Olar jurt kóp jınalmas úshin qaladaǵy jaǵdaıdy qadaǵalaıtyn bolady.
Esterińizge sala keteıik, bıyl elordada Naýryz meıramyn toılaý – «ıgi ister» marafonynyń aıasynda kóptegen qaıyrymdylyq aksıalary ótetin bolady. Qala turǵyndary muqtaj jandarǵa barynsha kómek kórsetýge shaqyrylady: azyq-túlik taratý, jalǵyz turatyn zeınetkerlerdiń aýlalarynyń qaryn kúreý, dári-dármek alyp berý. Bul jaǵdaıda sanıtarlyq normalardy qatań saqtaý qajet.
Sonymen qatar, demalys kúnderi ýaqytty qyzyqty ótkizý úshin qalanyń mádenı mekemeleri teledıdar men áleýmettik jeliler arqyly tikeleı efırde kóptegen onlaın-is-sharalar daıyndap otyr. Olardyń arasynda konsertter, kórmeler, teatrlandyrylǵan qoıylymdar, tarıhı-tanymdyq dárister men konferensıalar bar.
