– Búgin – biz jáne «Zere-1» turǵyn úi kesheniniń úleskerleri úshin qýanyshty kún! Merekelik kúnder qarsańynda qurylysy uzaqqa sozylǵan taǵy bir nysannyń qurylysy aiaqtaldy. «Zere-1» turǵyn úi kesheni paidalanýǵa berildi, turǵyndardyń qujattaryn rásimdeý boiynsha sońǵy jumystar júrip jatyr. Osylaisha 7 jyldan astam ýaqyt boiy páterlerin kútken 200-ge jýyq otbasynyń máselesi sheshildi.
Úidiń qańqasy ǵana bolǵan. Birinshi kezekte úi men injenerlik jelilerdiń barlyq jobalyq-smetalyq qujattamasyn daiyndadyq. Turǵyn úi kesheni sý, elektr, jylý, káriz siiaqty injenerlik jelilerge qosyldy. Sondai-aq turǵyn úi kesheniniń qasbeti boiynsha jumystar júrgizildi, terezeler, liftiler, esikter jáne t. b. ornatyldy. Kóktemde abattandyrý jumystaryn bastaýdy tapsyrdym.
Memleket basshysynyń tapsyrmasyna sáikes bir jarym jyl ishinde (2019 jyldyń jazynan beri) qurylysy uzaqqa sozylǵan nysandar sany 2 eseden astam azaidy. Árbir nysan boiynsha qadamdyq is-sharalar jospary bar.
Biyl páter kiltterin taǵy 7 myń úleskerge berýdi josparlap otyrmyz. Osylaisha úleskerler kópten kútken qonys toiyn toilap, páter iegeri atanbaq», – dep jazdy elorda ákimi.
