– بۇگىن – ءبىز جانە «زەرە-1» تۇرعىن ءۇي كەشەنىنىڭ ۇلەسكەرلەرى ءۇشىن قۋانىشتى كۇن! مەرەكەلىك كۇندەر قارساڭىندا قۇرىلىسى ۇزاققا سوزىلعان تاعى ءبىر نىساننىڭ قۇرىلىسى اياقتالدى. «زەرە-1» تۇرعىن ءۇي كەشەنى پايدالانۋعا بەرىلدى، تۇرعىنداردىڭ قۇجاتتارىن راسىمدەۋ بويىنشا سوڭعى جۇمىستار ءجۇرىپ جاتىر. وسىلايشا 7 جىلدان استام ۋاقىت بويى پاتەرلەرىن كۇتكەن 200-گە جۋىق وتباسىنىڭ ماسەلەسى شەشىلدى.
ءۇيدىڭ قاڭقاسى عانا بولعان. ءبىرىنشى كەزەكتە ءۇي مەن ينجەنەرلىك جەلىلەردىڭ بارلىق جوبالىق-سمەتالىق قۇجاتتاماسىن دايىندادىق. تۇرعىن ءۇي كەشەنى سۋ، ەلەكتر، جىلۋ، كارىز سياقتى ينجەنەرلىك جەلىلەرگە قوسىلدى. سونداي-اق تۇرعىن ءۇي كەشەنىنىڭ قاسبەتى بويىنشا جۇمىستار جۇرگىزىلدى، تەرەزەلەر، ليفتىلەر، ەسىكتەر جانە ت. ب. ورناتىلدى. كوكتەمدە اباتتاندىرۋ جۇمىستارىن باستاۋدى تاپسىردىم.
مەملەكەت باسشىسىنىڭ تاپسىرماسىنا سايكەس ءبىر جارىم جىل ىشىندە (2019 جىلدىڭ جازىنان بەرى) قۇرىلىسى ۇزاققا سوزىلعان نىساندار سانى 2 ەسەدەن استام ازايدى. ءاربىر نىسان بويىنشا قادامدىق ءىس-شارالار جوسپارى بار.
بيىل پاتەر كىلتتەرىن تاعى 7 مىڭ ۇلەسكەرگە بەرۋدى جوسپارلاپ وتىرمىز. وسىلايشا ۇلەسكەرلەر كوپتەن كۇتكەن قونىس تويىن تويلاپ، پاتەر يەگەرى اتانباق»، – دەپ جازدى ەلوردا اكىمى.
