«Januia» ortalyǵyna jyl basynan beri 8 myńnan astam elordalyq túrli suraqtar boiynsha júgingen
Memlekettik áleýmettik saiasat – qoǵamnyń áleýmettik ómir súrý jaǵdaiyn retteýdiń bir baǵyty bolyp sanalady. Osy oraida, qala ákimdigi tarapynan áleýmettik toptar arasyndaǵy qarym-qatynastardy qoldap, qoǵam músheleriniń ál-qýaty men ómir súrý deńgeiin jaqsartý maqsatynda 2019 jyldyń 26 tamyzynda qala ákimdiginiń janynan «Januia» otbasyn qoldaý ortalyǵy pilottyq joba retinde ashylǵan bolatyn.
Jobanyń maqsaty – qiyn jaǵdaiǵa tap bolǵan árbir otbasyǵa psihologiialyq, áleýmettik jáne quqyqtyq kómek, sonymen qatar, otbasy institýtynyń damýyna jan-jaqty qoldaý kórsetý.
Ortalyq «bir tereze» printsipine negizdelip, qala turǵyndarynyń (kópbalaly, tolyq emes, áleýmettik az qamtylǵan, múgedek balalardy tárbielep otyrǵan otbasylarǵa jáne t.b) azamattardyń jekelegen sanattaryna keshendi konsýltatsiialyq qyzmetter kórsetedi.
Ortalyqta memlekettik jáne kvazimemlekettik sektordyń jumysy uiymdastyrylǵan, olar – Nur-Sultan qalasynyń «Bilim basqarmasy» MM, «Qoǵamdyq densaýlyq saqtaý basqarmasy» MM, «Halyqty jumyspen qamtý» ortalyǵy KMM, «Turǵyn úi» qory KMM, «Otbasy banki» AQ, «Kásipker ana» QQ ókilderi konsýltatsiialyq qyzmet kórsetedi.
Sondai-aq, ortalyqta quqyqtyq, psihologiialyq keńes alý sonymen qatar qiyn jaǵdaiǵa tap bolǵan otbasylardy áleýmettik súiemeldeý uiymdastyrylady.
Ortalyq bazasynda, basqarmalar men olarǵa baǵynysty basqa da uiymdarynyń birinshi basshylary azamattardy qoǵamdyq qabyldaý júrgizedi.
Sonymen qatar, ortalyqta tsifrlyq saýattylyqty arttyrý maqsatynda jáne áleýmettik qyzmet kórsetý portalynda jumys isteý úshin ózine-ózi qyzmet kórsetý sektorynyń jumysy uiymdastyrylǵan.
Sektordyń maqsaty – tehnikalyq múmkindigi joq jekelegen azamattardyń sanatyna, elektrondy úkimet, áleýmettik qyzmet kórsetý portaldarynda ortalyq qyzmetkerleriniń kómegimen, konsýltatsiialyq keńes berý jáne jumys isteýdi úiretý bolyp sanalady.
2021 jyldyń basynan bastap (16.03.2021) deiin ortalyqqa 8 833 suraq boiynsha 8 488 – adam júgingen bolatyn. Onyń ishinde 5 234 – másele boiynsha júieli keńester berildi, 3 599 – máseleni sheshýge sharalar qabyldandy.
Aita keteiik, «Januia» ortalyǵy Beibitshilik kóshesi, 14-úide ornalasqan, dúisenbiden jumaǵa deiin saǵat 9.00-den 18.00-ge deiin jumys isteidi, túski úzilis saǵat 13.00-den 14.00-ge deiin, senbi-jeksenbi demalys kúnderi.
