Óńirlik saparlar qorytyndysy boiynsha 729 eldi-mekende 2 myńnan astam túitkildi máseleler men sailaýshylardyń usynystary jinaldy, olar qoldanystaǵy zańnamany, áleýmettik salany, ekonomikanyń negizgi salalaryn jetildirýge, quqyqtyq tártip pen qoǵamdyq qaýipsizdikti qamtamasyz etýge, memlekettik jáne jergilikti ózin-ózi basqarýǵa, ekologiialyq jaǵdaiǵa qatysty.
Jańa oqý jyly qarsańynda Májilis vitse-spikeri, «Nur Otan» fraktsiiasy basshysynyń orynbasary Pavel Kazantsev pen depýtat Baýyrjan Sartbaev Nur-Sultan qalasyndaǵy «Nur Otan» partiiasynyń sailaýaldy baǵdarlamasy aiasynda salynǵan jańa mektep ǵimaratyn aralap kórdi.
– Taǵy 1200 bala jaqsy jaǵdaida oqityn bolady. Inkliýzivti aspektiler de eskerilgen. Bul endi ómir súrý normasyna ainalady. Ujym jasaqtaldy, oqýlyqtarmen, quraldarmen jabdyqtaý protsesi júrip jatyr. Sizderge sáttilik, qymbatty ustazdar! Biz sizderdi qurmetteimiz, jaqsy kóremiz jáne árqashan qoldaimyz! – dedi Pavel Kazantsev.
Partiianyń baspasóz qyzmeti atap ótkendei, 2025 jylǵa qarai sailaýaldy ýádelerdi oryndaý boiynsha Jol kartasy aiasynda 800 jańa mektep salýdan basqa, shaǵyn qalalarda, aýdan ortalyqtary men aýyldarda jumys istep turǵan 5 myń mektepti jańǵyrtý josparlanǵan.
Jas depýtat Mádi Ahmetov Soltústik Qazaqstan oblysynyń Taiynsha aýylynda bolyp, ońtústik óńirlerden qonys aýdarýshylar úshin salynǵan úilerdiń qurylys sapasymen tanysty. Úiler 2 jyl buryn salynǵanyna qaramastan, keibireýleri qaita jóndeýdi qajet etedi.
Óz kezeginde fraktsiia músheleri Amanǵali Berdalin, Ǵalymjan Eleýov jáne Zýlfiia Súleimenova Aqtóbe oblysynyń Alǵa qalasynda turǵyn úilerdiń qurylysyn tekserdi. Negizgi máseleniń biri – qurylys materialdarynyń qymbattaýy.
– Mysaly, ákelinetin armatýra eki esedei qymbattaǵan. «Nur Otan» partiiasynyń óńirlik damý keńesinde biz bul máseleni kóterdik. Indýstriia jáne infraqurylymdyq damý ministrliginiń ókilderi jaqyn arada bul jaǵdaidan shyǵýdyń joly tabylatynyna sendirdi, qurylysshylarǵa kómek kórsetiledi, – dedi Amanǵali Berdalin.
Esterińizge sala keteiik, «Nur Otan» sailaýaldy baǵdarlamasy aiasynda 1 millionǵa jýyq otbasy úshin 103 mln sharshy metr turǵyn úi salý kózdelgen, onyń ishinde 284 myń kópbalaly jáne kedeilik sheginen tómen otbasylar, múmkindigi shekteýli azamattar, jetim balalar bar.
Depýtattar Zarina Kamasova, Erlan Sabirov jáne Igor Panchenko Óskemenge sapary kezinde densaýlyq saqtaýdy damytý máselelerin talqylap, Shyǵys Qazaqstan oblystyq kópsalaly onkologiia jáne hirýrgiia ortalyǵynyń jumysymen tanysty. Meditsina qyzmetkerleri dárigerdiń mártebesi týraly zań qabyldaý ideiasyn usyndy, sondai-aq kadr tapshylyǵy máselesin de kóterdi. Halyq qalaýlylary barlyq aitylǵan usynystardy jazyp aldy.
Aita keteiik, bileýshi partiianyń sailaýaldy bastamalary aiasynda meditsina qyzmetkerlerin, sonyń ishinde balalar dárigerlerin daiarlaýǵa arnalǵan granttar sanyn arttyrý josparlanýda. Jumystyń tartymdylyǵyn arttyrý úshin dárigerlerdiń jalaqysy 2023 jylǵa qarai 2,5 esege kóbeiedi.
Petropavl qalasynda «Nur Otan» fraktsiiasynyń músheleri Erlik Taijanov pen Dmitrii Koloda jergilikti elektr tehnikalyq zaýytyna bardy. Kelesi jyldyń basynda kásiporyn tolyq kúshine enedi, biraq zaýyt jumysshylary mamandardyń jetispeýshiligin aitýda.
– Kásiporyn úshin óndiristiń 70% avtomattandyrylatyny úlken artyqshylyq bolmaq. Iá, kadr máselesi bar, biraq ol sheshiledi. Biz basshylyqpen sóilestik, Memlekettik jeke seriktestik aiasynda biliktilikti arttyrý jáne qaita daiarlaý kýrstary uiymdastyrylady. Tehnikalyq jáne IT-bilimi bar mamandar tartylatyn bolady. Bul baǵyt sailaýaldy baǵdarlamada da bar, – dedi Dmitrii Koloda.
