«Nur Otan» partıasy ortalyq memlekettik organdar basshylarynyń qyrkúıek aıynda azamattardy qabyldaý kestesin jarıalady. Karantındik shekteýler eskerile otyryp, olar Respýblıkalyq qoǵamdyq qabyldaý bólmesi alańynda onlaın-formatta ótedi, dep habarlaıdy partıanyń baspasóz qyzmeti.

1 qyrkúıekte azamattardy qabyldaýdy Qarjy naryǵyn retteý jáne damytý agenttigi tóraǵasynyń orynbasary Nurlan Ábdiramanov, 3 qyrkúıekte – Básekelestikti qorǵaý jáne damytý agenttigi tóraǵasynyń orynbasary Marat Omarov, 8 qyrkúıekte – «Atameken» Ulttyq kásipkerler palatasynyń basqarma tóraǵasynyń orynbasary Shyńǵys Temir ótkizedi.

Azamattardy partıa alańynda 10 qyrkúıekte Bilim jáne ǵylym mınıstri Ashat Aımaǵambetov, 15 qyrkúıekte – Aýyl sharýashylyǵy mınıstriniń m.a. Erbol Qarashókeev, 22 qyrkúıekte – Aqparat jáne qoǵamdyq damý vıse-mınıstri Kemelbek Oıshybaev, 24 qyrkúıekte – Indýstrıa jáne ınfraqurylymdyq damý mınıstri Beıbit Atamqulov jáne Eńbek jáne halyqty áleýmettik qorǵaý birinshi vıse-mınıstri Aqmádı Sarbasov, 29 qyrkúıekte – Ádilet mınıstri Marat Beketaev, 30 qyrkúıekte – Densaýlyq saqtaý mınıstri Alekseı Soı qabyldaıdy.



Qabyldaýǵa jazylý úshin:

1. Call-ortalyq: 8 800 080 4441 (Qazaqstan boıynsha qońyraý shalý tegin);


2. WhatsApp: 8 700 800 4441;


3. komek@nurotan.kz

Aıta ketý kerek, jyl basynan beri partıanyń qoǵamdyq qabyldaý bólmelerine 103 myń azamat ótinish bildirip, partıa múshesi bolyp tabylatyn memlekettik organdardyń basshylary 20 myńǵa jýyq qabyldaý ótkizdi.

Taldaý kórsetkendeı, ótinishterdiń basym bóligi áleýmettik qamsyzdandyrý, turǵyn úı-kommýnaldyq sharýashylyq, turǵyn úımen qamtamasyz etý máselelerimen baılanysty. Búginde 103 myń ótinishtiń 43%-y jedel sheshilip, 54%-y boıynsha konsýltatıvtik, quqyqtyq jáne basqa da kómek kórsetildi, qalǵan 3%-y oryndalý ústinde.

Sondaı-aq Respýblıkalyq qoǵamdyq qabyldaý bólmesi alańynda zańgerlermen, advokattarmen, medıatorlarmen jáne notarıýstarmen aqysyz konsýltatıvti onlaın kezdesýler uıymdastyryldy. Oǵan joǵaryda kórsetilgen baılanystar arqyly jazylýǵa bolady.