مينيسترلەر قىركۇيەكتە «Nur Otan» پارتياسىندا ازاماتتاردى قابىلدايدى

Dalanews 31 تام. 2021 16:00 400

«Nur Otan» پارتياسى ورتالىق مەملەكەتتىك ورگاندار باسشىلارىنىڭ قىركۇيەك ايىندا ازاماتتاردى قابىلداۋ كەستەسىن جاريالادى. كارانتيندىك شەكتەۋلەر ەسكەرىلە وتىرىپ، ولار رەسپۋبليكالىق قوعامدىق قابىلداۋ بولمەسى الاڭىندا ونلاين-فورماتتا وتەدى، دەپ حابارلايدى پارتيانىڭ باسپا ءسوز قىزمەتى.

1 قىركۇيەكتە ازاماتتاردى قابىلداۋدى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى نۇرلان ءابدىرامانوۆ، 3 قىركۇيەكتە – باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارى مارات وماروۆ، 8 قىركۇيەكتە – «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسىنىڭ ورىنباسارى شىڭعىس تەمىر وتكىزەدى.

ازاماتتاردى پارتيا الاڭىندا 10 قىركۇيەكتە ءبىلىم جانە عىلىم ءمينيسترى اسحات ايماعامبەتوۆ، 15 قىركۇيەكتە – اۋىل شارۋاشىلىعى ءمينيسترىنىڭ م.ا. ەربول قاراشوكەيەۆ، 22 قىركۇيەكتە – اقپارات جانە قوعامدىق دامۋ ۆيسە-مينيسترى كەمەلبەك ويشىبايەۆ، 24 قىركۇيەكتە – يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ءاقمادي سارباسوۆ، 29 قىركۇيەكتە – ادىلەت ءمينيسترى مارات بەكەتايەۆ، 30 قىركۇيەكتە – دەنساۋلىق ساقتاۋ ءمينيسترى الەكسەي سوي قابىلدايدى.



قابىلداۋعا جازىلۋ ءۇشىن:

  1. Call-ورتالىق: 8 800 080 4441 (قازاقستان بويىنشا قوڭىراۋ شالۋ تەگىن)؛

  2. WhatsApp: 8 700 800 4441؛

  3. komek@nurotan.kz


ايتا كەتۋ كەرەك، جىل باسىنان بەرى پارتيانىڭ قوعامدىق قابىلداۋ بولمەلەرىنە 103 مىڭ ازامات ءوتىنىش ءبىلدىرىپ، پارتيا مۇشەسى بولىپ تابىلاتىن مەملەكەتتىك ورگانداردىڭ باسشىلارى 20 مىڭعا جۋىق قابىلداۋ وتكىزدى.

تالداۋ كورسەتكەندەي، وتىنىشتەردىڭ باسىم بولىگى الەۋمەتتىك قامسىزداندىرۋ، تۇرعىن ۇي-كوممۋنالدىق شارۋاشىلىق، تۇرعىن ۇيمەن قامتاماسىز ەتۋ ماسەلەلەرىمەن بايلانىستى. بۇگىندە 103 مىڭ ءوتىنىشتىڭ 43%-ى جەدەل شەشىلىپ، 54%-ى بويىنشا كونسۋلتاتيۆتىك، قۇقىقتىق جانە باسقا دا كومەك كورسەتىلدى، قالعان 3%-ى ورىندالۋ ۇستىندە.

سونداي-اق رەسپۋبليكالىق قوعامدىق قابىلداۋ بولمەسى الاڭىندا زاڭگەرلەرمەن، ادۆوكاتتارمەن، مەدياتورلارمەن جانە نوتاريۋستارمەن اقىسىز كونسۋلتاتيۆتى ونلاين كەزدەسۋلەر ۇيىمداستىرىلدى. وعان جوعارىدا كورسەتىلگەن بايلانىستار ارقىلى جازىلۋعا بولادى.

ۇسىنىلعان
سوڭعى جاڭالىقتار