Nazarbaev: «Astananyń ataýyn ózgetýdiń qajeti joq»
– Árine, men onyń bárin estip, bilip jatyrmyn. Ol týraly aityp ta, jazyp ta jatyr. Táýelsizdiktiń 25 jyldyǵy – bul barsha qazaqstandyqtardyń tamasha meiramy, ata-babalarymyzdyń armany. Sondyqtan oǵan qalai qýanbaisyń? Meniń qatarlastarym da qýanyp jatyr. Sebebi ondai memleketti qurý mindeti olarǵa buiyrdy. Jastar da maqtan tutady. Kim kelse de, bári Astanany biledi. Bul – kádimgidei brend. Sondyqtan onyń ataýyn ózgertýdiń qajeti joq. Eshbir qajeti joq. Astanada Eýropadaǵy qaýipsizdik jáne yntymaqtastyq uiymynyń XXI ǵasyrdaǵy alǵashqy sammiti ótti. Astanada Aziia oiyndaryn uiymdastyryldy. Aldaǵy ýaqytta EKSPO kórmesi ótedi. Oǵan qosa, álemdik jáne dástúrli dinder sezi bar. Osynyń bárin Qazaqstanmen bailanystyrady. Biraq búkil jerde Astana dep aitady. Odan keiin onyń ataýyn ózgertýdiń qajeti qandai? – dep atap kórsetti N.Nazarbaev,
Áńgime barysynda Qazaqstan Prezidenti eldiń indýstriialyq-innovatsiialyq damýynyń mán-mańyzy, memlekettiń ekonomikadaǵy róline qatysty saýaldarǵa jaýap berdi. Memleket basshysy Qazaqstan elordasynyń rebrendingi, respýblikada jastardyń bilim deńgeiin arttyrý, bilim berý úrdisindegi úshtildiliktiń mańyzdylyǵy jónindegi máselelerge toqtaldy. Nursultan Nazarbaev sondai-aq Eýraziialyq ekonomikalyq odaq elderi yntymaqtastyǵynyń keleshegi, EAEO-nyń basqa da memleketaralyq ekonomikalyq birlestiktermen jáne jekelegen eldermen ózara is-qimylynyń yqtimal perspektivalary týraly aitty.
