Tasmaǵambetov: «Bilim júiesiniń barlyq jelisi qaita jańarýda»
Vitse-premer búgingi tańda Úkimet qolǵa alyp otyrǵan áleýmettik salanyń birneshe baǵytyn atap ótti jáne bilim berý júiesiniń erekshe mańyzdylyǵyna toqtaldy.
– Búgingi tańda osy salada jańǵyrtýdyń jańa kezeńi bastalýda. Naqtyraq aitqanda, 2016 jyldan bastap 2019 jylǵa deiin orta bilim uiymdary júiesinde kezeń-kezeńimen oqytýdyń jańa mazmunyna kóshý josparlanǵan. Jańa oqýlyqtar, baǵdarlamalar men oqytý ádisteri mehanikalyq oqytýdan fýnktsionaldyq saýattylyqqa baǵyttalady, iaǵni óz bilimi men daǵdylaryn logikalyq qoldanýǵa úiretetin bolady, – dedi Imanǵali Tasmaǵambetov.
UBT júiesin jetildirý bitirý emtihandary men JOO túsý emtihandaryn bólýdi qarastyrady. Bul bitirýshilerdiń tereń bilimin, bilimniń júieliligi, tolyqtyǵy, taldaý, qorytý, jikteý múmkindikterin anyqtaityn daǵdylaryn tekserýge baǵyttalady. Kásiptik jáne tehnikalyq bilim berý salasynda mamandardy daiarlaýdyń dýaldy júiesine kóshý júzege asty. Bul 2017 jyldan bastap tegin jumysshy mamandyqtaryn oqytý barysynda teoriia men praktika arasyndaǵy kemshilikti joiýǵa kómektesedi.
– Joǵary bilim berý salasynda JOO-nyń avtonomdylyqqa kóshýi jáne olardyń akademiialyq, qarjylyq táýelsizdigin keńeitý júrgizilýde. Ózderińiz baiqap otyrǵandai, barlyq bilim berý jelisi jańǵyrtylýda. Atalǵan jańa ózgeristerdi endirýde talqylaý, taldaý, naqtylaý protsesine sizderdi belsene qatysýǵa shaqyramyz, – dedi Premer-Ministrdiń orynbasary.
