Ýádeńe berik bol, senimdi bola almasań ýáde berme. «Ýáde – qaryz siiaqty» ekenin umytpa. Ýádesinde turmaǵan adam, qaryz ótei almaǵan adamǵa uqsaidy. Bul ekijúzdiliktiń nyshany. Munafyq (eki júzdi) senim artýdan qalǵan adam emes pe?
Kezdesýlerge mán ber. Kezdesýge belgilengen ýaqytta bar. Kesh qalma. Kezdesý men arnaiy jiyndarǵa keshigý qazirgi ýaqyttyń aiyqpas dertine ainalǵan. Eger ýádesinde turǵan adam ziianǵa ushyraityn bolsa, ol iske zulymdyq aralasqandyǵyn bildiredi. Osy derttiń adamdar arasynda jaman ádetke ainalýy jalǵannyń tereńge tamyr jaiǵanyn kórsetedi.
Ýaqyt ómir. Ýaqytty bosqa ótkizý, ózińe jasaǵan qiianatyń. Óz ýaqytyńdy bosqa ótkizýge aqyń joq bolsa, ózgelerdiń ýaqytyn alýǵa da eshqandai aqyń joq. Ýaqyt – qulshylyqtyń ózegi bolyp sanalatyn namazdyń sharttarynyń biri. Ár namazdyń ýaqyty Alla Taǵalamen kezdesýge belgilengen ýaqyt. Alla Taǵala namaz arqyly ýaqyttyń qadirin bilýdi úiretedi. Ýaqyttyń qadiri degenimiz, ýaqyttyń máni men mańyzyn bilý, ysyrap etpeý, tiimdi qoldaný degen sóz. Ýaqyt – adamǵa berilgen eń baǵaly rizyq. Árbir rizyq siiaqty ýaqyttyń da esebi suralady.
Qol saǵatyn qoldan. Saǵatty sándik úshin emes, saǵan ómir súrip júrgenińdi, ólimge adymdap bara jatqanyńdy, árbir sekýndta esigińdi qaǵatyn ýaqyttyń habarshysy retinde qoldan. Kúndelikti josparyńdy oryndaǵanda árbir minýtqa kóńil ból. Shyn máninde kún men túnniń aýysyp kelýiniń, ailar men jyldardyń adam balasyna beretin ǵibratyn tereń túsin. Árbir atqan kún men jańa týǵan ai, adamǵa ólip qaita tiriletinin qaita habar beredi. Jaz ben qys, kóktem men kúz, ótken árbir jyl adamǵa ómirdiń de mezgili bar ekenin bildiredi. Bulardyń barlyǵy tabiǵatqa jazylǵan ýaqyttyń belgileri.
Ýaqyt jaiynda Quranda kóptegen aiattar bar: «Ýaqytqa sert» («Asr» súresi, 1-aiat), «Túnge sert...» («Láil» súresi, 1-aiat), «Kúndizge sert...» («Láil» súresi, 2-aiat), «Qulshylyqqa sert» («Duha» súresi, 1-aiat), «Tańǵa (fájir) sert»(«Fájir» súresi, 1-aiat), «...Tań shapaǵyna sert» («Inshiqaq» súresi, 1-aiat), «Tańǵa sert...» («Tákýir» súresi, 18-aiat). Osy aiattar eń úlken nyǵmetterdiń biri ýaqytqa nazar aýdartady. Alla Taǵalanyń osynshalyqty mán berip aitqan nársesine nemquraily qaraý naǵyz ǵapyldyqtyń belgisi.
Ózine tapsyrylǵan mindetti «ýaqyt bolmady» dep syltaý aityp oryndamaityndar, eń aldymen ýaqytty ysyrap etpeýge mán bersin. Eger ýaqytty da ysyrap eter bolsań, bereke ketedi. Ýaqyttan bereke ketse, bir saǵattyq jumysty bir kún istep, ózińdi eńbekqorlardyń qataryna qosasyń. Shyn máninde, ziianǵa ushyraǵandardyń arasyndasyń. Biraq sen onyń parqynda emessiń. Ýaqyttyń berekesi osylai ketedi. Árbir nyǵmet «shúkir etken jaǵdaida arta túsetinin» jaqsy bilgeisiń. Seniń ár istegen áreketińe qarai, Alla Taǵala ýaqytyńa keńshilik pen tarshylyq beredi.
Ýaqyttyń qadirin biletinder adamdardyń qamshynyń sabyndai qysqa ómirine qyrýar isti siǵyzǵanyna tań qalmasqa sharań qalmaidy.
Qazirginiń adamdary barlyǵyn keshkige qaldyrady. Adamdardy túnniń jarymynda jatqyzyp, sáske ýaqytynda turǵyzady. Islam mádenieti barlyǵyn tańerteń erte isteýi úshin, erte turǵyzady.
Musylman kún shyqpai turady. Musylman kún shyqqannan keiin turatyn bolsa, ol kúndi óldi dep esepteidi. Bul ólim, ýaqyttyń bereketinen qur alaqan qaldyrýdy bildiredi. Túnniń qoinyna qabirge kirgendei kir. Túni tamasha bolǵannyń kúni de tamasha ótedi. Kúndiz ben tún, dúnie men aqyrettiń 24 saǵattyń ishindegi kórinisi.
QMDB Ǵalamtormen jumys bólimi
