Áiel óz siqyryn ómirdiń barlyq órisine qoldana alady.
Úi jinai júrip, tamaq pisirip, ózin jasandyrǵan sátterde áiel tylsym kúshke ie. Onyń kóńil ekpini ǵana bul siqyrdyń qandai nátijemen támamdalatynyn biledi. Máselen, ol jasaǵan tamaq jai ǵana energetikalyq azyq nemese siqyrly dám bola alady, iaki ý bolyp ketýi de ǵajap emes. Áieldiń qolyndaǵy dúnieniń bári mazmunǵa tolady.
Áiel dúnieniń tórt stihiiasyn óziniń bolmysyna baǵyndyrǵan. Soǵan sai túrli turǵyda dami alady.
Ot stihiiasy – áiel-lázzat berýshi.
Sý stihiiasy – beikúná qyz.
Aýa stihiiasy – patshaiym.
Jer stihiiasy – báibishe.
Másele adamdy baǵyndyrý men qara duǵa oqytý týrasynda emes. Maqsat ózgeniń menine qara piǵylmen qara daq túsirý emes. Bul áńgime múlde basqa siqyr týraly. Áieldiń kúsh-qýaty men áieldiń mándi uǵymnyń bárin tolyqqandy mazmunmen toltyra biletin tilegi týraly. Ainalasyna mahabbat pen baqyt syilai alatyn qabileti haqynda.
Eń bastysy – bul qasiet barlyq áielge tán. Biraq mundai qýaty baryn bári derlik sezine bermeidi. Tek túisikpen kei-keide qoldanyp qalady. Tamaq pisirýdi ár áiel úirenedi. Biraq eshkim bizge er adamdy esinen tandyrarlyq syiqyrly tamaq pisirýge úiretpegen. Útiktiń ne ekenin bilemiz. Biraq eshkim súiiktińniń jeidesin útiktegende oǵan siqyr darytyp, kez kelgen kelissózden jeńimpaz bolyp shyǵatyndai etýin úiretpegen.
Másele adamdy baǵyndyrý men qara duǵa oqytý týrasynda emes. Maqsat ózgeniń menine qara piǵylmen qara daq túsirý emes. Bul áńgime múlde basqa siqyr týraly. Áieldiń kúsh-qýaty men áieldiń mándi uǵymnyń bárin tolyqqandy mazmunmen toltyra biletin tilegi týraly. Ainalasyna mahabbat pen baqyt syilai alatyn qabileti haqynda.
Tájiribede
– Ózińniń áieli qýatyńdy sezin. Onyń qainar kózi tánniń qai bóliginde ornalasqanyn anyqta. Sol tabiǵi kúshtiń erkin bolýyn qadaǵalańyz.
– Ózińiz bir nárse istegende: úi jinaǵanda, tamaq pisirgende, t.b; sonyń barlyǵyn shyn nietpen jasańyz, úi jinasam úiim baqytqa tolady dep senińiz, taza úi qýanysh pen kóńilge daýa syilaitynyn umytpańyz. Úiińizdi tynyshtyqpen, baqytpen, mahabbatpen toltyryńyz.
– Tamaq pisirgende qupiia as daiarlaityndai bolyńyz. Árbir azyqty ózgeshe qasietke nemese erekshe nietke bóleńiz. Keńistikke ózińiz ǵana sezetin keremet sezimderdi jiberińiz. Basty azyqtyń quramyna ózińizdiń mahabbatyńyzdy aralastyryńyz. Áieldiń ystyq yqylasyn dámdeýish etińiz. Shyn yqylaspen jasalǵan taǵamnan artyq as jer betinde bolmaitynyna senińiz.
– Úi jinaǵanda – bolmysyńyzdaǵy barlyq jaman qylyq pen jaǵymsyz oidy qosa tazalap jýyp, shaiyp jiberińiz. Sonda úiińiz taza, kóńilińiz jaima-shýaq, jarqyn bolady. Úiińiz mahabbatqa tolady.
– Kúieýińizdiń jeidesin útiktegende onyń kúsh-qýatyn sezinińiz. Onyń azamattyq bolmysynyń aldyndaǵy ózińizdiń náziktigińizdi sezinińiz. Onyń jeidesin mahabbatpen útikteńiz. Sol mahabbat ony barlyq kedergilerden saqtaityn qorǵan bolmaq. Bul sizdiń qolyńyzdan keledi.
– Óz mahabbatyńyzdy sylap-sipaý arqyly jetkizip úirenińiz. Mahabbatty sezinińiz. Eń ońaiy balaǵa degen súiispenshilikti baiqap, tekserip kórýge bolady. Náresteni aldyǵa alyp, ony sylap-sipalaý arqyly beimazalyǵyn basýǵa bolatynyna kóz jetkizesiz. Bul ǵajaiyp ekenin ózińizde moiyndarsyz. Alaqannyń jylýy kez kelgen jan jarasyn jazyp, túrli úreidi jeńedi. Adamǵa tynyshtyq beredi.
– Áiel til tabysqysh, beibitsúigish jan. Ol kez kelgen kikiljińdi joia alady. Álemniń tórt buryshyna ózińizdiń áieldik náziktigińizdi bosatyp jiberińiz. Ishińizden: «barlyq tirshilik iesi beibitsúigish, bári sabyrly» deńiz. Sonda ainalańyz úilesim men tynyshtyqqa malynady. Siz álemge tynyshtyq syiladyńyz.
Aýdarǵan Shynar Ábildá
