Memorandýmǵa sáıkes atalǵan mekemeler óskeleń urpaqqa estetıkalyq tálim-tárbıe beretin, otansúıgishtikke baýlıtyn baǵdarlamalardy júzege asyrady. Sonymen qatar, kórmeler, mádenı-aǵartý is-sharalary men ekskýrsıalar uıymdastyryp, kórnekt qalamgerlerdiń shyǵarmashylyq ómir joly, qoǵamdyq qyzmeti men izdenisterin jan-jaqty nasıhattaý barysynda birlesken ǵylymı-zertteý jumystaryn júrgizedi.
Aldaǵy ýaqytta taraptar Muqaǵalı Maqataevtyń 90 jyldyq meretoıyna oraı kóshpeli kórme uıymdastyrý, Birlestikke kiretin mýzeılerde aqyn-jazýshylarmen shyǵarmashylyq keshter ótkizý syndy kóptegen ádebı-mádenı sharalardy birlesip atqarady.
