10 tamyz – uly oishyl, kórnekti aqyn jáne qazaqtyń jazba ádebietiniń negizin qalaýshy Abai Qunanbaiulyn eske alý kúni. Abai óz shyǵarmalarynda qazaq halqynyń bolmysyn, ulttyq rýhy men mádeni biregeiligin tereń beinelep qana qoimai, danalyqqa negizdelgen tereń oi-tolǵamdary arqyly Ortalyq Aziia mádenieti men Shyǵystyń asyl rýhani murasy arasynda berik bailanys ornatqan uly tulǵa.
Abaidy irannyń tiline, ádebietine jáne danalyǵyna degen jaqyndyǵyn eskermei tolyq taný múmkin emes. Ol parsy poeziiasy men oi-sanasynyń bai qainarlarynan nár ala otyryp, adamgershilik, moral, tanym jáne qoǵamdyq aǵartýshylyq syndy biik uǵymdardy qazaq dalasyna keńinen taratty. Onyń «Qara sózderi» men kórkem óleńderi – uly tulǵalar men mádeni reformatorlardyń geografiialyq shekaralardan asyp, búkil adamzatqa ortaq rýhani muraǵa ainalatynynyń aiqyn dáleli.
Mádeni ister jónindegi attashe retinde bul dana ári asa kórnekti aqynnyń mereitoilyq kúnin oi men ónerdiń mádeni diplomatiiadaǵy rólin qaita zerdeleýge, sondai-aq Iran men Qazaqstan halyqtary arasyndaǵy tarihi bailanystar men dostyqty nyǵaitýǵa múmkindik beretin asa qundy sát dep sanaimyn. Abaidy ulyqtaý – bilimdilikke, toleranttylyqqa jáne dialogqa taǵzym etý. Bul – búgingi álemge burynǵydan da qajet qundylyqtar.
Abai Qunanbaiulynyń ǵylymi jáne ádebi murasyna zor qurmet bildire otyryp, eki eldiń ǵalymdary, zertteýshileri men óner qairatkerleri arasyndaǵy ǵylymi, zertteý jáne mádeni yntymaqtastyq pen ózara almasý úderisteri árdaiym qarqyndy ári jemisti bola beretinine senim bildiremin.
Muhammed Másýd Sadeǵi, mádeniet attashesi
