Mańǵystaý oblysynda áskeri-teńiz kúshteriniń oqý-jattyǵýy kezinde Kaspii teńizine 19 áskeri qyzmetshini alyp ketken. Olardyń toǵyzy qaza tapty, dep habarlaidy dalanews.kz.
Qorǵanys ministrliginiń málimetinshe, oqiǵa 24 qyrkúiekte oqý-jattyǵý kezinde aýa raiynyń kúrt nasharlap, jeldiń kúsheiýinen bolǵan.
Aldyn ala málimet boiynsha, úsh áskeri qyzmetshi qutqarylǵan. Olardyń bireýi aýrýhanaǵa jatqyzyldy. Qalǵan áskeri qyzmetshilerdi izdestirý jumystary jalǵasyp jatyr.
Oqiǵa ornyna qutqarý qyzmetteriniń kúshteri men quraldary dereý jiberilgen. Izdestirý-qutqarý jumystaryna Áskeri-teńiz kúshteriniń, Tótenshe jaǵdailar ministrliginiń bólimsheleri, aviatsiia jáne basqa da tiisti qyzmetter jumyldyryldy.
Oqiǵanyń barlyq mán-jaiyn anyqtaý jáne izdestirý-qutqarý jumystaryn úilestirý úshin oqiǵa ornyna Qorǵanys ministri, aviatsiia general-leitenanty Dáýren Qosanovtyń basshylyǵymen Qorǵanys ministrliginiń komissiiasy attandy.
Qorǵanys ministrligi qaza bolǵan áskeri qyzmetshilerdiń týǵan-týystary men jaqyndaryna kóńil aitty. Vedomstvo qaza tapqandardyń otbasylaryna qajetti kómek pen qoldaý kórsetiletinin málimdedi.
Izdestirý jumystarynyń barysy men áskeri qyzmetshilerdiń jaǵdaiy týraly qosymsha aqparat derekter túsýine jáne rastalýyna qarai beriledi. Vedomstvo oqiǵaǵa qatysty tek Qorǵanys ministrligi men basqa da memlekettik organdardyń resmi aqparatyna súienýge shaqyrdy.
