– Búgin bir top jumyssyz azamat Jańaózen qalasy ákimdiginiń aldyna narazylyq aktsiiasyn uiymdastyryp, munai-gaz salasyna jumysqa ornalaspaiynsha, ashtyq jariialaityndaryn málimdedi.
Buryndary aitqanymdai – barlyǵyn bir ýaqytta munai-gaz salasyna jumysqa ornalastyrý múmkin emes. Memleket usynatyn jumysqa ornalasýdyń barlyq múmkin nusqalaryn paidalaný qajet. Alaida, ókinishke qarai, bizdiń keibir azamattarymyz muny tyńdaǵysy da, memleket bergen múmkindikti paidalanǵysy da kelmeidi.
Biz qoldanystaǵy algoritm boiynsha jumysqa ornalasý kezegin kútip otyrǵan adamdarǵa qiianat jasai almaimyz. Ákimdik aldyna narazylyq bildirýge shyqqandardy kezeksiz jumysqa ornalastyra almaimyz. Bul ádiletsizdik bolady.
Biz jumysqa ornalasýdyń basqa balamasyn usynamyz. Siz "Jumys jasaimyn" jobasy aiasynda jalaqysy 140-tan 280 myń teńgege deiin bolatyn bos jumys oryndary tizbegindegi jumysqa tura alasyz. Olardyń kópshiligi úshin joǵary bilimniń bolýy mindetti emes. Sonymen qatar bul munai-gaz sektoryndaǵy kezegińizdi kútýge eshqandai kedergi keltirmeidi.
Menińshe bul usynys – jumyssyz júrgennen jaqsy, otbasyńyzǵa qoldaý bolary anyq.
Jańaózende óz sheshimin talap etetin birqatar másele bar. Árine, onyń biri – halyqty jumyspen qamtamasyz etý. Biraq kóbinese áriptesterimizben birge bar ýaqytymyzdy qalamyzdyń ózekti máselelerin júieli sheshýden góri mitingiler men ereýilderge jumsaýymyzǵa týra keledi.
Qurmetti jerlester! Bizge jumys isteýge múmkindik berseńizder!
Bizdiń esigimiz Sizderge árdaiym aiqara ashyq. Kóptegen qoǵam belsendileri ártúrli máseleler boiynsha túrli komissiialarymyzdyń jumysyna aralasyp, qatysyp keledi. Sizderdiń kómekterińiz árdaiym qajet jáne biz Sizdermen birge odan da jaqsy isterdi atqara alamyz.
Ortaq kúsh-jigerimizdi halyq múddesine jumsai otyryp, qalamyzdyń jáne onyń azamattarynyń ómirin jaqsartatynymyzǵa bek senimdimin, – dedi Jańaózen qalasynyń ákimi Aibek Qosýaqov.
