Qazaqstandyq jas bloger Álisher Temenov Muqaǵalı Maqataevqa qatysty aıtqan sózderi úshin aqynnnyń eskertkishi aldynda tizerlep, barsha qazaq halqynan keshirim surady, dep habarlaıdy Dalanews.kz.

Bul sátti ol Instagram-daǵy Stories bóliminde jarıalaǵan.

“Jastyqtyń býymen, 25 jastaǵy isimmen ózimdi ǵana emes, áıelim men tórt aılyq qyzymdy da umytyp ketippin. Keshegi jasaǵan qateligim úshin búkil qazaq halqynan keshirim suraımyn”, – dep jazdy.

Osylaısha Temenov óz áreketin “aqymaqtyq” dep moıyndap, Instagram men TikTok paraqshalaryn óshiretinin málimdedi.

Daýly vıdeonyń mazmuny

Buǵan deıin bloger ózin rılsmeıker retinde tanystyryp, Muqaǵalı Maqataevqa til tıgizgen vıdeo jarıalaǵan edi. Onda ol aqynnyń óleńderin kelemejdep, ar-namysyna tıetin sózder aıtqan bolatyn. Bul vıdeo kópshiliktiń ashý-yzasyn týdyryp, jappaı synǵa ushyrady.

"Muqaǵalı Maqataev jalpy “jalovatsá” ete beretin sorly erkek bolady ǵoı – vot sondaı. “Búgin meniń týǵan kúnim oı páli-aı, myna adamdar nege jatyr toılamaı” deıdi. “Eı, sen bl… (boqaýyz sóz) birinshi jasasańshy týǵan kúnińdi – sosyn baramyz ǵoı. “Banket jasap berer edim ózim-aq, táńirdiń bir jarytpaı-aq qoıǵany-aı” deıdi. Prıchem týt, qudaı? Seniń týǵan kúnińde ústelińniń jaıylyp turǵany qudaıǵa baılanysty ma? Óziń jasa! Erkeksiń ǵoı. Ne úshin otyrsyń myna jerde? Otanyńdy qorǵaısyń – erkeksiń, áýletińdi qorǵaısyń – erkeksiń. Áıelińdi qorǵaısyń – erkeksiń. Úkimetten úıdi qashan beredi dep kútip otyrsań, onda sen erkek emessiń, – degen bolatyn bloger. 

Vıdeoǵa qoǵamnyń reaksıasy

Temenovtiń bul daýly vıdeosy áleýmettik jelide taralǵannan keıin, halyqtyń narazylyǵyn týdyrdy. Osylaısha, álemjelide kópshiliktiń synyna ushyraǵannan keıin ol atalmysh vıdeony óshirip tastady.