Ortalyq Aziiaǵa sapary aiasynda kreativti ekonomika jónindegi Jahandyq keńestiń (Global Creative Economy Council) sarapshylary qazaqstandyq kreativti indýstriia ókilderimen birneshe kezdesý men strategiialyq sessiia ótkizdi.
28 qyrkúiekte «Báribaev 36» keńistiginde Britan konsýldyǵynyń uiymdastyrýymen jáne Almaty Tourism Bureau qoldaýymen kreativti ekonomika boiynsha konferentsiia ótti. 29 qyrkúiekte Markov 44 mekenjaiyndaǵy Almaty Creative kreativti habynda hab rezidentterimen kezdesý uiymdastyryldy.
28 qyrkúiektegi konferentsiia memleket, biznes jáne kreativti indýstriia ókilderin biriktirip, tájiribe almasý men ósýdiń múmkindikterin izdestirýge baǵyttalǵan. 13 elden kelgen 15 halyqaralyq sarapshy zertteýin usynyp, álemniń túrli aimaǵynda, sonyń ishinde Afrika, Aziia jáne Latyn Amerikasynda kreativti ekonomikany damytýdyń sátti júzege asqan mysaldaryn tilge tiek etti.
Kreativti indýstriiadaǵy jańa úrdister men olardy engizýdiń tájiribelik jaǵyna basa nazar aýdaryldy.
Kingston Creative kompaniiasynyń negizin qalaýshy ári atqarýshy direktory Andrea Dempster Chang kreativti klasterlerdi integratsiialaý mádeni týrizmniń damýyna qalai yqpal etetinin aityp berdi.
Ol týristerdi mádeni jáne shyǵarmashylyq bastamalar arqyly tartýdyń mańyzdylyǵyn atady. Kreativti ekonomika jónindegi Jahandyq keńestiń múshesi, innovatsiialar jónindegi sarapshy Djairadj Mashrý konferentsiiada mádeniet pen shyǵarmashylyq salasyn damytýǵa arnalǵan negizgi qadamdardy usyndy.
«Bizdiń Almatyǵa saparymyz shabyt berdi. Bolashaqta jergilikti jáne jahandyq kreativti indýstriiany damytatyn seriktestikter úshin úlken áleýetti kórip otyrmyz», - dedi Djairadj Mashrý.
Óz kezeginde Almaty Tourism Bureau basshysy Kamila Luqpanova Qazaqstanda kreativti indýstriiany damytýdyń mańyzdylyǵyn atap, týrizmdi ilgeriletýdegi jergilikti kreatorlardyń róline toqtaldy. Onyń aitýynsha, kreativti indýstriia týrizmniń ajyramas bóligine ainalyp, aimaqtyń ekonomikalyq turǵydan ósýi men mádeni jaǵynan almasýyna yqpal etýde.
29 qyrkúiekte halyqaralyq sarapshylar Almaty Creative kreativti habynyń jumysymen tanysyp, onyń rezidentterine ózderiniń halyqaralyq tájiribesin jetkizip, kreativti ekonomika salasyndaǵy sońǵy úrdisterdi talqylady. Hab rezidentteri jobasyn usynyp, ideialar almasyp, sheteldik meimandardyń oi-pikirin bildi.
Is-shara ótkizýdegi negizgi maqsat – halyqaralyq bailanysty nyǵaitý jáne Almatynyń Ortalyq Aziiadaǵy kreativti ekonomikanyń ortalyǵy retindegi mártebesin rastaý.
