Almatyda kólik salyǵy boiynsha bereshegi bar júrgizýshilerge qatysty reidtik sharalar bastaldy, dep habarlaidy Dala News.
Memlekettik kirister departamentiniń málimetinshe, sharalar qala ákiminiń kóleńkeli ekonomikany azaitý jáne biýdjet túsimderin arttyrý jospary aiasynda júrgizilýde. Reidterge politsiia departamenti men jeke sot oryndaýshylar palatasy da qatysyp jatyr.
«Boryshker» jedel-profilaktikalyq is-sharasy barysynda qaryzy bar kólikter «Sergek» kameralary arqyly anyqtalady. Mundai kólikter bereshek tolyq ótelgenge deiin aiyp turaǵyna qoiylady.
Qazirgi tańda Almatyda kólik salyǵy boiynsha bereshek 85 myńnan astam salyq tóleýshige tiesili jáne jalpy somasy 7 mlrd teńgeden asady. Vedomstvonyń málimetinshe, qaryzdyń basym bóligi qozǵaltqysh kólemi 4000 tekshe santimetrden asatyn kólikterge tiesili.
Quzyrly organ júrgizýshilerdi qosymsha shyǵyndar men aiyp turaǵyna qoiýdyń aldyn alý úshin bereshekterin ýaqytynda óteýge shaqyrdy. Reidtik jumystar jalǵasýda.
