SCAT áýe kompaniiasy Taiaý Shyǵystaǵy ahýalǵa bailanysty málimdeme jasady, - dep habarlaidy Dalanews.kz.
2 qazanda Iran aýmaǵynyń áýe keńistiginiń jabylýyna bailanysty SCAT áýe kompaniiasy Sharm-el-Sheih (Mysyr), sondai-aq Djidda jáne Medina (Saýd Arabiiasy) baǵyttaryndaǵy reisterdiń baǵyttaryn ózgertip, ushý ýaqyty ortasha eseppen bir saǵatqa uzardy.
"Qazirgi ýaqytta Irannyń áýe keńistigi qaita ashylyp, áýe dálizderi qoljetimdi. Áýe kompaniiasy jaǵdaidy únemi baqylap, qajet bolǵan jaǵdaida reister kestesine qosymsha ózgerister engizýge daiyn. Bizdiń basty mindetimiz – jolaýshylardyń qaýipsizdigi", - deidi kompaniia ókilderi.
Aita keteiik, 2 qazanǵa qaraǵan túni Iran Izraildi raketamen atqylady. Bul týraly Izrail áskeri málimdedi. Búkil Izrail aýmaǵynda dabyl qaǵylyp, turǵyndarǵa qaýipsiz jerge tyǵylýǵa buiryq berildi.
Izrail áskeri Iran 400 raketa jiberdi dep otyr. Al Iran Islam revoliýtsiiasy saqshylar korpýsynyń arnaiy jasaǵy bul shabýyldy HAMAS lideri Ismail Haniianyń, "Hezbolla" lideri Hasan Nasyrallanyń jáne Iran jasaǵynyń komandiri Abbas Nilfrýshanyń ólimine jaýap ekenin málimdedi.
Izrail telearnasynyń 12 arnasynyń habarlaýynsha, evrei memleketi áýe keńistigin japty. Irak pen Iordaniia da osyndai sheshim qabyldady.
Osy jaitqa bailanysty elshilik pen SIM de Taiaý shyǵystaǵy jaǵdaiǵa bailanysty shuǵyl málimdeme jasady.
