Shveısarıada 1 qańtardan bastap qoǵamdyq oryndarda paranja men nıqab syndy adam betin tolyǵymen jasyryp turatyn kıimder kıýge tyıym salatyn zań kúshine endi, dep jazady Dalanews.kz.
Shveısarıada bul másele kóptiń talqysyna salynyp, aqyrynda 2021 jyly naýryzda referendým ótkizildi. Referendýmda bul tyıymdy qoldaýshylar 51,2%-y daýysqa ıe boldy.
TASS málimetinshe, bul tyıymdy buzǵan adamǵa qatysty 110,2-den 1102 dollarǵa deıin aıyppul salynbaq.
"Tyıymǵa nıqab pen parandja sıaqty musylman dindarlarynyń kıimderi, sondaı-aq fýtbol jankúıerleri kıetin balaklava ilinip otyr. Endi olardy dúkenderde, meıramhanalarda, memlekettik mekemelerde jáne qoǵamdyq kólikterde kıýge tyıym salynady. Degenmen betti jaýyp turatyn kıimder men zattardy dinı oryndarda, karnavaldarda nemese sýyqtan qorǵaý maqsatynda kıýge bolady", delingen talap sıpattamasynda.
Aldynda Sent-Gallen jáne Tıchıno aımaqtarynda qoldanylǵan bul tyıym túri endi búkil el boıynsha óz kúshine enedi. Tyıym Shveısarıada turatyn 400 myń musylmannyń az bóligine qatysty, munda nıqabty musylman áıelderdiń tek 20-30 shaqtysy ǵana kıetin kórinedi.
Aıta ketsek, Eýropada birinshi bolyp betti tumshalaýshy kıim kıýge tyıym Fransıada 2011 jyly engizdi.
