شۆەيتسارييادا 1 قاڭتاردان باستاپ قوعامدىق ورىنداردا پارانجا مەن نيقاب سىندى ادام بەتٸن تولىعىمەن جاسىرىپ تۇراتىن كيٸمدەر كييۋگە تىيىم سالاتىن زاڭ كٷشٸنە ەندٸ, دەپ جازادى Dalanews.kz.
شۆەيتسارييادا بۇل مەسەلە كٶپتٸڭ تالقىسىنا سالىنىپ, اقىرىندا 2021 جىلى ناۋرىزدا رەفەرەندۋم ٶتكٸزٸلدٸ. رەفەرەندۋمدا بۇل تىيىمدى قولداۋشىلار 51,2%-ى داۋىسقا يە بولدى.
تاسس مەلٸمەتٸنشە, بۇل تىيىمدى بۇزعان ادامعا قاتىستى 110,2-دەن 1102 دوللارعا دەيٸن ايىپپۇل سالىنباق.
"تىيىمعا نيقاب پەن پاراندجا سيياقتى مۇسىلمان دٸندارلارىنىڭ كيٸمدەرٸ, سونداي-اق فۋتبول جانكٷيەرلەرٸ كيەتٸن بالاكلاۆا ٸلٸنٸپ وتىر. ەندٸ ولاردى دٷكەندەردە, مەيرامحانالاردا, مەملەكەتتٸك مەكەمەلەردە جەنە قوعامدىق كٶلٸكتەردە كييۋگە تىيىم سالىنادى. دەگەنمەن بەتتٸ جاۋىپ تۇراتىن كيٸمدەر مەن زاتتاردى دٸني ورىنداردا, كارناۆالداردا نەمەسە سۋىقتان قورعاۋ ماقساتىندا كييۋگە بولادى", دەلٸنگەن تالاپ سيپاتتاماسىندا.
الدىندا سەنت-گاللەن جەنە تيچينو ايماقتارىندا قولدانىلعان بۇل تىيىم تٷرٸ ەندٸ بٷكٸل ەل بويىنشا ٶز كٷشٸنە ەنەدٸ. تىيىم شۆەيتسارييادا تۇراتىن 400 مىڭ مۇسىلماننىڭ از بٶلٸگٸنە قاتىستى, مۇندا نيقابتى مۇسىلمان ەيەلدەردٸڭ تەك 20-30 شاقتىسى عانا كيەتٸن كٶرٸنەدٸ.
ايتا كەتسەك, ەۋروپادا بٸرٸنشٸ بولىپ بەتتٸ تۇمشالاۋشى كيٸم كييۋگە تىيىم فرانتسييادا 2011 جىلى ەنگٸزدٸ.
