"Gazprom" Resei gazyn Ýkraina territoriiasy arqyly Eýropaǵa aidaýdy búgin, 2025 jyldyń 1 qańtarynan bastap toqtatty. Onyń tehnikalyq jáne zańdy turǵyda múmkin emestigi aitylady. Ýkrainanyń energetika ministrligi de Resei gazynyń Eýrodaqqa tranziti 1 qańtarda tańerteń toqtatylǵanyn resmi túrde rastady, dep jazady Dalanews.kz.
Aldymen bul aqparat "Gazpromnyń" Telegram arnasynda jariialandy.
"2019 jyldyń 30 jeltoqsanynda qol qoiylǵan qujattardyń qoldanylý merzimi aiaqtaldy: "Gazprom" JAQ pen "Ýkrainanyń Naftogaz" UAK arasyndaǵy reseilik gazdy Ýkraina territoriiasy arqyly tasymaldaýdy uiymdastyrý týraly kelisim jáne Resei men Ýkrainanyń GTS operatorlary — "Gazprom" JAQ jáne "Ýkrainanyń gaz tasymaldaý júiesiniń operatory" JShQ arasyndaǵy ózara is-qimyl týraly kelisimi", delingen habarlamada.
Sondai-aq bul kelisimdi uzartýǵa Ýkraina tarapy qarsy ekeni naqtylandy.
"Saǵat 07:00-de ulttyq qaýipsizdik múddesi úshin Reseidiń tabiǵi gazyn Ýkraina aýmaǵy arqyly tasymaldaý toqtatyldy. Ýkraina belgilengen tártip boiynsha sheteldik seriktesterge habar berdi", delingen Ýkrainanyń salalyq ministrligi málimdemesinde.
Sondai-aq quzyrly vedomstvo bul tarihi oqiǵa ekenin basa aitady. Taraptyń pikirinshe, budan Resei iri naryqty joǵalta otyryp, zor qarjylyq shyǵynǵa ushyraidy.
Aita ketsek, bul tasymal baǵytymen Eýrodaqtaǵy jalpy tutynys mólsheriniń 4,5 paiyz gazy aidalady.
Buǵan deiin saitymyzda "Gazprombank pen onyń Qazaqstandaǵy ókildigi AQSh sanktsiiasyna ushyrady" degen maqala jariialanǵan.
