Ulybritaniianyń basym bóliginde Jańa jyl keshinde sary qaýip deńgeii jariialandy. Qolaisyz aýa raiyna bailanysty aspan astynda ótkiziletin barlyq merekelik sharalarǵa tyiym salyndy, dep jazady Dalanews.kz.
The Guardian basylymynyń málimetinshe, Shotlandiia astanasy – Edinbýrgte, tipti josparlanǵan otshashý atylmady. Sinoptikter aldaǵy kúnderi qatty daýyl turatyndyǵyn eskertti. Hogmanai qalalyq festivaliniń uiymdastyrýshylaryna bileti satylyp ketken kontserttiń 50 myń kórermeninen keshirim suraýyna týra keldi.
Angliianyń soltústik-batysynda da josparlanǵan josparly otshashý bolmady. Shotlandiia, Angliia jáne Ýelstiń keibir qalalarynda da sary qaýip deńgeii jariialandy. Meteorologiialyq biýro Jańa jyl qarsańynda daýyl saldarynan qoǵamdyq kólikterdiń, sonyń ishinde paromdardyń da keshigýi múmkin ekenin eskertti.
Al 100 myń adam qatysady delingen Eýropadaǵy jyl saiynǵy keremet kórinis - Londondaǵy otshashý merekesi sinoptikalyq eskertýlerge qaramastan dúrkirep ótti.
