Kásipker Ilon Masktyń bailyǵy alǵash ret 1 trillion dollardan asyp, ol álemdegi alǵashqy trillioner mártebesine ie boldy, dep habarlaidy dalanews.kz.
Buǵan onyń negizin qalaǵan SpaceX kompaniiasynyń qor naryǵyna shyǵýy sebep boldy. Reuters agenttiginiń málimetinshe, kompaniia aktsiialarynyń bastapqy baǵasy 135 dollar bolyp belgilenip, nátijesinde 75 milliard dollar kóleminde investitsiia tartylǵan. Bul kórsetkish AQSh tarihyndaǵy eń iri IPO retinde tirkeldi.
Aktsiialardy ornalastyrýdan keiin SpaceX kompaniiasynyń naryqtyq quny 1,77 trillion dollarǵa jetip, álemdegi eń qymbat kompaniialardyń birine ainaldy.
IPO ótkizilgenge deiin Masktyń jeke kapitaly shamamen 780 milliard dollar bolǵan. Al SpaceX-tegi úlesiniń quny 866 milliard dollarǵa deiin ósti. Tesla men ózge de kompaniialardaǵy aktivterin eseptegende, onyń jalpy bailyǵy 1,1 trillion dollardan asyp, álemdik rekord ornatty.
