Sybailas jemqorlyq pen uiymdasqan qylmysty tergeitin jýrnalisterdiń ǵalamdyq jelisi (OCCRP) Siriianyń eks-prezidenti Bashar Asadty 2024 jyldyń bas jemqory dep atady, dep jazady Dalanews.kz.
OCCRP jýrnalistik tergeý uiymynyń saitynda Siriianyń eks-prezidenti Bashar Asad kaptagondy (esirtki túri) óndirip,ony jappai taratýdyń basynda bolǵanyn jazady.
"Asad budan túrmelerdi baptap-ustaýǵa jáne onyń avtoritarlyq rejimine qyzmet kórsetýge jumsalǵan milliardtaǵan dollar tapqan", - deidi maqala avtorlary.
Asad rejimi Venesýela, Soltústik Koreia jáne Reseimen salystyrylady. Iaǵni, uiymdasqan qylmys pen jappai sybailas jemqorlyqty qoldaýshy avtokratiialyq úkimet ústemdik etken elderdegidei. Mundai tiptegi memleket qurylymy ortalyqtandyrylǵan baqylaýdan, bilikke narazylarmen qatań kúresten jáne qýatty qaýipsizdik apparatynan turady.
"Asad 2000 jyly, ákesi qaitys bolǵannan keiin bilikke keldi. Saiasi liberaldy ýádeler ornyn avtoritarlyq bilik basty. 2011 jylǵy bilikke qarsy Siriiadaǵy "Arab kóktemi" kóterilisi azamattyq soǵysqa ulasyp, Asadtyń taqtan taiǵan - 2024 jyldyń jeltoqsanyna deiin jalǵasty. Onyń kúsh qurylymdary adam quqyqtaryn jappai buzdy, sonyń ishinde azaptaý, kisi óltirý, himiialyq qarý qoldaný, azamattardy jappai qysymǵa ushyratý syndy aiyptar da taǵylady. Asad rejimi kaptagon óndirisi, adam saýdasy, temeki kontrabandasy, ejelgi zattardy urlaý jáne qarý-jaraq saýdasy siiaqty uiymdasqan qylmystyń ártúrli túrlerinen tabys taba otyryp, búkil aimaqta zorlyq-zombylyq, esirtki jáne sybailas jemqorlyqty órshitti", - deidi avtorlar.
Aita ketsek, qarasha aiynyń sońynan bastap qarýly toptar Siriianyń birneshe iri qalalaryn basyp aldy, sonyń ishinde Damaskige de basa-kóktep kirdi. Segizinshi jeltoqsanda memlekettik teledidar efirinde oppozitsiia ókilderi el biligine kelgenderin málimdedi. Kóp uzamai Asadtyń otbasymen birge elden ketkeni, Reseidi baryp panalaǵany belgili boldy.
Buǵan deiin saitymyzda "Bashar Asadtyń Reseige ushaqpen "tasyp alǵan" eki tonna aqshasy týraly ne belgili" degen maqala jariialanǵan.
