سىبايلاس جەمقورلىق پەن ۇيىمداسقان قىلمىستى تەرگەيتٸن جۋرناليستەردٸڭ عالامدىق جەلٸسٸ (OCCRP) سيرييانىڭ ەكس-پرەزيدەنتٸ باشار اسادتى 2024 جىلدىڭ باس جەمقورى دەپ اتادى, دەپ جازادى Dalanews.kz.
OCCRP جۋرناليستٸك تەرگەۋ ۇيىمىنىڭ سايتىندا سيرييانىڭ ەكس-پرەزيدەنتٸ باشار اساد كاپتاگوندى (ەسٸرتكٸ تٷرٸ) ٶندٸرٸپ,ونى جاپپاي تاراتۋدىڭ باسىندا بولعانىن جازادى.
"اساد بۇدان تٷرمەلەردٸ باپتاپ-ۇستاۋعا جەنە ونىڭ اۆتوريتارلىق رەجيمٸنە قىزمەت كٶرسەتۋگە جۇمسالعان ميللياردتاعان دوللار تاپقان", - دەيدٸ ماقالا اۆتورلارى.
اساد رەجيمٸ ۆەنەسۋەلا, سولتٷستٸك كورەيا جەنە رەسەيمەن سالىستىرىلادى. ياعني, ۇيىمداسقان قىلمىس پەن جاپپاي سىبايلاس جەمقورلىقتى قولداۋشى اۆتوكراتييالىق ٷكٸمەت ٷستەمدٸك ەتكەن ەلدەردەگٸدەي. مۇنداي تيپتەگٸ مەملەكەت قۇرىلىمى ورتالىقتاندىرىلعان باقىلاۋدان, بيلٸككە نارازىلارمەن قاتاڭ كٷرەستەن جەنە قۋاتتى قاۋٸپسٸزدٸك اپپاراتىنان تۇرادى.
"اساد 2000 جىلى, ەكەسٸ قايتىس بولعاننان كەيٸن بيلٸككە كەلدٸ. ساياسي ليبەرالدى ۋەدەلەر ورنىن اۆتوريتارلىق بيلٸك باستى. 2011 جىلعى بيلٸككە قارسى سيريياداعى "اراب كٶكتەمٸ" كٶتەرٸلٸسٸ ازاماتتىق سوعىسقا ۇلاسىپ, اسادتىڭ تاقتان تايعان - 2024 جىلدىڭ جەلتوقسانىنا دەيٸن جالعاستى. ونىڭ كٷش قۇرىلىمدارى ادام قۇقىقتارىن جاپپاي بۇزدى, سونىڭ ٸشٸندە ازاپتاۋ, كٸسٸ ٶلتٸرۋ, حيمييالىق قارۋ قولدانۋ, ازاماتتاردى جاپپاي قىسىمعا ۇشىراتۋ سىندى ايىپتار دا تاعىلادى. اساد رەجيمٸ كاپتاگون ٶندٸرٸسٸ, ادام ساۋداسى, تەمەكٸ كونترابانداسى, ەجەلگٸ زاتتاردى ۇرلاۋ جەنە قارۋ-جاراق ساۋداسى سيياقتى ۇيىمداسقان قىلمىستىڭ ەرتٷرلٸ تٷرلەرٸنەن تابىس تابا وتىرىپ, بٷكٸل ايماقتا زورلىق-زومبىلىق, ەسٸرتكٸ جەنە سىبايلاس جەمقورلىقتى ٶرشٸتتٸ", - دەيدٸ اۆتورلار.
ايتا كەتسەك, قاراشا ايىنىڭ سوڭىنان باستاپ قارۋلى توپتار سيرييانىڭ بٸرنەشە ٸرٸ قالالارىن باسىپ الدى, سونىڭ ٸشٸندە داماسكٸگە دە باسا-كٶكتەپ كٸردٸ. سەگٸزٸنشٸ جەلتوقساندا مەملەكەتتٸك تەلەديدار ەفيرٸندە وپپوزيتسييا ٶكٸلدەرٸ ەل بيلٸگٸنە كەلگەندەرٸن مەلٸمدەدٸ. كٶپ ۇزاماي اسادتىڭ وتباسىمەن بٸرگە ەلدەن كەتكەنٸ, رەسەيدٸ بارىپ پانالاعانى بەلگٸلٸ بولدى.
بۇعان دەيٸن سايتىمىزدا "باشار اسادتىڭ رەسەيگە ۇشاقپەن "تاسىپ العان" ەكٸ توننا اقشاسى تۋرالى نە بەلگٸلٸ" دەگەن ماقالا جارييالانعان.
