Búgin Astana halyqaralyq áýejaıy óziniń 8,3 mıllıonynshy jolaýshysyna qyzmet kórsetti. Bul 2024 jylǵy rekordtyq kórsetkish, sondaı-aq Astana áýejaıy úshin tarıhı oqıǵa. Elorda áýejaıynyń 8,3 mıllıonynshy jolaýshysy LO195 reısimen Varshava-Astana baǵytymen ushyp keldi.
«Astana halyqaralyq áýejaıy jyldan jylǵa álemdik avıasıalyq qoǵamdastyqta óziniń mańyzdylyǵyn dáleldep kele jatyr. 2024 jyly bizdiń áýejaıdan Seýl, Goa, Fýkýok, Phýket, Abý-Dabı, Sıanýkvıll, Mılan, Praga jáne Mıneraldy Sýlarǵa turaqty reıster ashylyp, jańartyldy. Ótken jyly biz 7,5 mıllıon jolaýshyǵa qyzmet kórsetsek, bıyl jolaýshylar aǵynynyń ósimi 10% qurap, 8,3 mıllıonǵa jetti», - dedi Astana halyqaralyq áýejaıynyń Basqarma Tóraǵasy Iýsýf Aljavder.
Bul jetistik áýejaıdyń eldegi kólik ınfraqurylymyn damytýdaǵy mańyzdy rólin jáne onyń Qazaqstan ekonomıkasyna qosqan úlesin kórsetedi. Astana áýejaıynan orta eseppen 200-den astam reıs oryndalady, bul Qazaqstannyń bas qalasyna týrısik jáne iskerlik baǵyt retinde qyzyǵýshylyqtyń artyp kele jatqanyn kórsetedi.
