2024 jyldyń 29 jeltoqsanynda Ońtústik Koreianyń Mýan áýejaiynda apatqa ushyraǵan Jeju Air áýe kompaniiasyna tiesili ushaqtyń kabinasyndaǵy borttyq jazba qurylǵysyndaǵy derekter alyndy. Onda ushqyshtardyń sózderi jazylǵan, dep jazady Dalanews.kz.
Ońtústik Koreianyń kólik ministrligi azamattyq aviatsiia departamentiniń direktory Chjý Chjon Vannyń aitýynsha, qazir mamandar "qara jáshikten" alynǵan derekterdi dybystyq faildarǵa toptastyrýda, dep jazady The Hankyoreh.
"Ushqyshtar kabinasynda aitylǵan sózder jazylǵan aýdio tirkeý qurylǵysyndaǵy derekter alynyp boldy. Búgin olardy dybystyq faildarǵa toptastyrý jumystary bastaldy", - dedi ol.
Chjý Chjon Van bul jumysty múmkindiginshe tez júrgizýge tyrysatyndaryn aitty.
Ushý derekteriniń borttyq jazbasy - ekinshi "qara jáshikke" syrttai biraz zaqym kelgeni naqtylanady. Bul ondaǵy derekterdi óńdeýge shamamen bir aiǵa deiin ýaqyt ketýi múmkin ekenin bildiredi.
Aita ketsek, 2024 jyldyń 29 jeltoqsanynda Ońtústik Koreiadaǵy Mýana halyqaralyq áýejaiynda Boeing 737 jolaýshylar ushaǵy apatqa ushyrady. Tailandtan oralǵan ushaqta barlyǵy 181 adam boldy, onyń ishinde alty ekipaj múshesi de bar. Keiinirek eki adamnyń (jolaýshy men bortserik) aman qalǵany belgili boldy. Qazaqstan SIM apatqa ushyraǵan bul ushaqta qazaqstandyqtardyń bolmaǵanyn naqtylady.
